બે મોબાઇલ ઉપરાંત ક્રેડિટ કાર્ટ,ડેબીટ કાર્ટ અને રોકડ રકમની ચોરી

જાણવા મળતી વિગતો મુજબ,ચેનલમાં પત્રકાર તરીકે નોકરી કરનાર બ્રીજેશભાઇ દિનેશભાઇ પડીયા(ઉ.વ ૩૦)(રહે.શકિત સોસાયટી શેરી નં.૮ સંત કબીર રોડ,રાજકોટ) દ્વારા ગાંધીગ્રામ પોલીસ મથકમાં નોંધાવવામાં આવેલી ફરિયાદમાં જણાવ્યું હતું કે,ગઇકાલે રાજકોટ એરપોર્ટ ખાતે તેઓ બાગેશ્ર્વર બાબાના કવરેજ માટે ગયા હતાં.દરમિયાન સાડા છ વાગ્યા આસપાસ બાબા આવી જતા ભકતો દ્વારા તેમનું સ્વાગત કરવામાં આવ્યું હતું આ સમયે ખુબ જ ભીડ હોય અને ફરિયાદી લાઇવ રિપોર્ટિગ કરતા હોય ત્યારે કોઇએ તકનો લાભ લઇ તેમના ખિસ્સામાંથી રૂ.૫૫ હજાર અને રૂ.૬૦ હજારના બે મોબાઇલ તથા ક્રેડિટ કાર્ટ,ડેબીટ કાર્ટ અને રૂ.૧૮૦૦ રોકડ સહિત કુલ રૂ.૧,૬૮,૮૦૦ ની મત્તા સેરવી લીધી હતી.બાદમાં આ વાતનો ખ્યાસ આવતા તેમણે આ મામલે ગાંધીગ્રામ પોલીસ મથકમાં ફરિયાદ કરતા પોલીસે ગુનો નોંધી જરૂરી કાર્યવાહી કરી હતી.