ઉનાના અંજાર ગામે પ્રાથમિક શાળાનું લોકાર્પણ ધારાસભ્ય કે.સી રાઠોડના હસ્તે કરવામાં આવ્યું હતું. જેમાં જિલ્લા  તાલુકાના તમામ હોદ્દેદારો શાળાના શિક્ષકો સહિત ઉપસ્થિત રહ્યા હતા.અંજાર ગામે રૂ. ૧ કરોડ ૧૪ લાખનું શેઠ વિઠ્ઠલદાસ અમરસી પ્રાથમિક શાળા તેમજ રૂ.૧૪ લાખના ખર્ચે પંચાયત ઘરનું લોકાર્પણ કાર્યક્રમ યોજયો હતો. આ કાર્યક્રમમાં ગીર સોમનાથ જિલ્લા  ભાજપ ઉપપ્રમુખ રાજુભાઈ ડાભી, જિલ્લા  પંચાયત શિક્ષણ સમિતિના ચેરમેન પ્રકાશભાઈ ટાંક, ઉના તાલુકા પંચાયતના પ્રમુખ એભાભાઈ મકવાણા, જિલ્લા  પંચાયતના સદસ્યના પ્રતિનિધિ બાબુભાઈ બાંભણીયા, પુર્વ તાલુકા પંચાયતના પ્રમુખ હરીભાઈ ઝણકાટ, ધીરુભાઈ જાદવ, ગામના સરપંચના પ્રતિનિધિ પ્રવીણભાઈ ડોડીયા તથા સરપંચ સદસ્યઓ સહિતના આગેવાનો લોકો અધિકારીગણ અને વિદ્યાર્થીગણ બહોળી સંખ્યામાં ઉપસ્થિત રહ્યા હતા.