પંજાબના મુખ્ય મથક અમૃતસરમાં એક ચોંકાવનારા લગ્ન સામે આવ્યા છે. અહી એક સ્મશાનમાં યુવક અને યુવતીએ પ્રભુતામાં પગલાં પાડયાં છે. મળતી માહિતી મુજબ પરિવાર ગરીબ હતો, જે દીકરીના લગ્ન માટે હોલ બુક કરાવી શક્યો ન હતો. વિસ્તારના રહેવાસીઓની મદદથી અહીં દીકરીના લગ્ન કરાવ્યા અને અહીંથી ડોલીને પણ વિદાય આપી.

સ્થાનિક લોકોએ જણાવ્યું કે આ લગ્ન જોડા ફાટકથી બિલ્લા વાલા ચોક મોહકમપુરાના સ્મશાન ભૂમિમાં કરવામાં આવ્યા છે. દાદા દાદી અને તેમની એક પૌત્રી ઘણા સમયથી અહીં રહેતા હતા. થોડા સમય પહેલા દાદાનું અવસાન થયું, દાદી પણ ખૂબ વૃદ્ધ છે. થોડા દિવસો પહેલા દીકરી માટે સારો છોકરો મળી ગયો અને લગ્નની તૈયારીઓ શરૂ કરી દીધી.