જામનગર મહાનગરપાલકાની ફુડશાખા દ્વારા આજે ચાર સ્થળોએથી નમુના લેવામાં આવ્યા હતા, ગુલાબનગર, નાગનાથ ગેઇટ, દિપક ટોકીઝ, વિગેરે સ્થળોએથી જાંબુ, જયુશ, અને શેરડીના રસના નમુના લીધા હતા અને આ નમુના ફુડશાખાએ વડોદરા ખાતે લેબમાં મોકલી આપવામાં આવ્યા હતા.

ફુડશાખાના અધિકારી નિલેશ જાસોલીયા અને ડી.બી. પરમારના જણાવ્યા અનુસાર ગુલાબનગરના પ્રથમ ઢાળીયા પાસે રોહન જયુશ સેન્ટરમાંથી મેંગોશેઇક, નાગનાથ ગેઇટ વિસ્તારમાં આવેલા પટેલ રસ ડીપોમાંથી શેરડીનો રસ, દિપક ટોકીઝ પાસે આવેલા ફાઇવસ્ટાર રસડેપોમાંથી શેરડીના રસના નમુના લેવામાં આવ્યા હતા. આ તમામ લીધેલા નમુનાને પેક કરીને વડોદરાની લેબમાં મોકલી આપવામાં આવ્યા છે.