જામનગરમાં નવાગામ ઘેડ વિસ્તારમાં રહેતા અને કડિયા કામની મજૂરી કરતા એક શ્રમિક યુવાને આર્થિક સંકળામણ ના કારણે પોતાની જિંદગી ટૂંકાવી છે.


જામનગરમાં નવાગામ ઘેડ-ખડખડનગરમાં રહેતા અને કડિયા કામની મજૂરી કરતા દેવરામભાઈ નારણભાઈ ડાભી નામના ૩૦ વર્ષના શ્રમિક યુવાને ગઈકાલે પોતાના ઘેર સીલીંગ ફેન માં સાડી બાંધી ગળાફાંસા દ્વારા આત્મહત્યા કરી લીધી હતી. 


બનાવ અંગે મૃતકના નાનાભાઈ બાબુભાઈ નારણભાઈ ડાભીએ પોલીસને જાણ કરતાં સીટી બી. ડિવિઝન પોલીસે મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ કરી છે. પોલીસમાં જાહેર કરાયા અનુસાર મૃતક કડિયા કામની મજૂરી કરતો હતો, અને હાલમાં તેને પૂરતા પ્રમાણમાં કામધંધો મળતો ન હોવાથી તેને મનમાં લાગી આવતાં આ પગલું ભરી લીધાનું પોલીસમાં જાહેર થયું છે.
​​​​​​​