શ્રીરામ રાઘવન દ્વારા દિગ્દર્શિત મેરી ક્રિસમસ સિનેમાઘરોમાં રિલીઝ થઈ છે. 12 જાન્યુઆરીએ આ ફિલ્મ દેશભરના સિનેમાઘરોમાં રિલીઝ કરવામાં આવી હતી. પ્રથમ દિવસે તો મેરી ક્રિસમસે લગભગ 2 કરોડ રૂપિયાનો પ્રમાણમાં ઠીકઠાક બિઝનેસ કર્યો હતો. પરંતુ વિકેન્ડ અને ફેસ્ટિવલ ટાઇને ધ્યાનમાં રાખી આ ફિલ્મના કલેકશનમાં સુધાર આવવાની આશા સેવાઇ રહી હતી. હવે ત્રીજા દિવસે ફિલ્મના કલેક્શનમાં થોડો સુધારો જોવા મળ્યો છે.

આપને જણાવી દઇએ કે મળતી માહિતી અનુસાર, આ ક્રાઈમ થ્રિલર ફિલ્મ મેરી ક્રિસમસે ત્રીજા દિવસે ભારતમાં તમામ ભાષાઓમાં 3.75 કરોડ રૂપિયાનો બિઝનેસ કર્યો છે. જ્યારે બીજા દિવસે ફિલ્મે 3.45 કરોડની કમાણી કરી હતી. આ સાથે તેનું અત્યાર સુધીનું કુલ કલેક્શન 9.65 કરોડ રૂપિયા થઈ ગયું છે. આ ફિલ્મ હિન્દીની સાથે તમિલમાં પણ રિલીઝ થઈ હતી. જોકે, ધીમી શરૂઆત છતાં ફિલ્મ હવે થોડે અંશે ટ્રેક પર આવી રહી હોવાનું ધ્યાને આવે છે.

60 કરોડના બજેટમાં બનેલી મેરી ક્રિસમસમાં કેટરીના અને વિજય સેતુપતિ પહેલીવાર સ્ક્રીન શેર કરી રહ્યા છે. આ ફિલ્મે બે દિવસમાં વર્લ્ડ વાઇડ 8 કરોડ રૂપિયાનો આંકડો પાર કરી લીધો છે. કહેવામાં આવી રહ્યું છે કે વીકએન્ડના કારણે ફિલ્મનો બિઝનેસ વધી ગયો છે. જો કે, કેટરીનાની આ ફિલ્મ વિકી કૌશલની ડંકી કરતાં વધુ સારી કમાણી નથી કરી રહી તે દેખીતી વાત છે. ફિલ્મ રિલીઝ થયાને બોક્સ ઓફિસ પર શરૂઆત નબળી રહી હતી. પરંતુ વિકેન્ડ અને મકરસંક્રાંતિને કારણે બોક્સ ઓફિસ કલેકશનમાં સુધાર આવશે તેવી આશા સેવાતી હતી. જે મહદઅંશે સાચી પડી. જોકે ફેસ્ટિવલ ટાઇમનો ભરપૂચ લાભ આ ફઇલ્મ ઉઠાવી ન શકી હોવાનું બોક્સ ઓફિસ કલેકશનના હાલ સુધીના આંકડા પરથી સ્પષ્ટ થાય છે.