હંમેશા કંઈક નવું કરવા માટે બોલીવૂડની બેબો પ્રયાસ કરતી રહે છે. ત્યારે ફરીવાર તેણી એક નવતર પ્રયોગ સાથે પોતાનું પોડકાસ્ટ લઈને આવી રહી છે. હાલમાં જ કરીનાએ પોતાની આ પોડકાસ્ટ સીરીઝની જાહેરાત કરી છે. માર્વેલની 'ધ વેસ્ટલેન્ડર્સ'માં કરીના કપૂર બ્લેક વિડોનું પાત્ર ભજવશે.

એક ઈન્ટરવ્યુમાં કરીનાએ કહ્યું હતું કે, “હકીકત એ છે કે બ્લેક વિડો એક આઇકોનિક પાત્ર છે અને તે ખૂબ જ શક્તિશાળી અને નિર્ભય પાત્ર છે. ક્યાંક જ્યારે મને આ પાત્ર વિશે ડીટેઈલ્સ મોકલવામાં આવી રહી હતી, ત્યારે હું તેની સાથે જોડાઈ ગયી હતી. તેની સાથે કનેક્ટ થયા પછી જ મને લાગ્યું કે હું તેને પ્લે કરી શકીશ. ક્યાંક હું સકારાત્મક રીતે તદ્દન નિર્ભય પણ છું. આ જોડાણને કારણે, હું તરત જ આ પાત્ર માટે સંમત થઈ ગઈ હતી.”

કરીના કહે છે કે, તે હવે બ્લેક વિડોના પાત્રને પોતાનો અંગત સ્પર્શ આપવા તૈયાર છે, કારણ કે તે હિન્દીમાં ભજવવામાં આવશે. કરીનાએ હજુ સુધી સિરીઝ માટે ડબિંગ કર્યું નથી, પરંતુ તે પાત્રને પોતાનો અંગત સ્પર્શ આપવા માંગે છે. તેણીએ કહ્યું, "ચાલો જોઈએ કે હું શું ઉમેરી શકું છું, થોડું રહસ્ય, થોડી શક્તિ તે છે જે હું પાત્રમાં ઉમેરવાનું વિચારી રહી છું."


કરીનાએ ઉમેર્યું, “અમે બોલિવૂડમાં એક્શનથી ભરપૂર ફિલ્મો જોઈને મોટા થયા છીએ, પરંતુ મને લાગે છે કે હવે સમય આવી ગયો છે કે લોકો એક્શન રોલ સહિત વિવિધ પ્રકારની ભૂમિકાઓ કરતી મહિલા અભિનેત્રીઓને જોવે, જ્યારે હું હજુ સુધી આ ફોર્મેટમાં ફીચર ફિલ્મમાં કામ કરી શકી નથી. મને સ્ક્રીન પર ડિટેક્ટીવ અથવા હત્યારાની ભૂમિકા ભજવવી ગમશે, મને લાગે છે કે એક્શન કરવાનો સમય આવી ગયો છે, મને લાગે છે કે હું તે કરવા સક્ષમ છું. તેથી હું તે દિશામાં શરૂઆત તરીકે 'બ્લેક વિડો'નું કિરદાર નિભાવવા માટે ઉત્સુક છું."

જ્યારે કરીનાને પૂછવામાં આવ્યું કે શું તેના બાળકો તૈમુર અને જેહ પણ સુપરહીરોના ચાહક છે અને શું તેઓ ઉત્સાહિત છે કે તેમના માતા-પિતા જલ્દી સુપરહીરોની ભૂમિકા ભજવવા માટે તૈયાર છે. તેણે કહ્યું, "મારો નાનો દીકરો 2 વર્ષનો છે, તે તેના માટે ઘણો નાનો છે. મારો મોટો દીકરો, હા, તે થોર અને વુલ્વરીનનો મોટો ચાહક છે જો કે તે અને તેના પિતા મારા કરતાં વધુ આ બાબતે ચર્ચા કરતા રહે છે."