જૂનાગઢ જીલ્લાની સિવિલ હોસ્પિટલના પાર્કિંગ માંથી 2 મૃતદેહ મળી આવ્યા છે. આજરોજ સવારે હોસ્પીટલના જાહેર પાર્કિંગમાં પાર્ક કરેલી છકડો રીક્ષામાંથી યુવક અને યુવતીનો મૃતદેહ મળી આવતા ચકચાર મચી જવા પામી છે. હાલ જૂનાગઢ પોલીસે મૃતદેહનો કબજો લઈને વધુ તપાસ હાથ ધરી છે. પ્રાથમિક તારણ મુજબ મૃતક યુવક અને યુવતી પ્રેમી હોવાનું તારણ છે.
​​​​​​​

ઘટના બાદ જૂનાગઢ એ ડીવીઝન પોલીસ સિવિલ હોસ્પિટલ ખાતે પહોચી હતી, સૂત્રો મુજબ મૃતક યુવક માણાવદરની બાજુના ભીંડોરા ગામનો રહેવાસી હોવાનું સામે આવ્યું છે. હાલ સમગ્ર મામલાને લઈને હત્યા કે આત્મહત્યાને લઈને પોલીસ દ્વારા વધુ તપાસ હાથ ધરાઈ છે.