જાપાનમાં એક વિચિત્ર કિસ્સો સામે આવ્યો છે, જ્યાં એક વ્યક્તિને કેળાના ઝાડ ઉગાડવા પર હવે મુશ્કેલી પડી રહી છે. તે વૃક્ષો હટાવવાની સાથે તેને ૫૦૦,૦૦૦ યેન (૨ લાખ ૮૦ હજાર ૯૮૨ રૂપિયા)નો દંડ ભરવાનો આદેશ આપવામાં આવ્યો છે. જો તે આમ નહીં કરે તો તેને એક વર્ષની જેલની સજા ભોગવવી પડશે. આ ઘટના જાપાનના કુરુમે શહેરમાં બની હતી. આ દંડ પાછળનું કારણ ચોંકાવનારું છે.

રિપોર્ટ અનુસાર, આ ૫૦ વર્ષીય વ્યક્તિ બે વર્ષથી ફુકુઓકા પ્રીફેક્ચરના કુરુમે સિટીમાં વ્યસ્ત રસ્તાની વચ્ચે ખાલી જગ્યામાં કેળાના ત્રણ ઝાડ ઉગાડી રહ્યો હતો. તે આ ઝાડને રોજ પાણી આપતો હતો. આ માણસને તાજેતરમાં કેળાના ત્રણ વૃક્ષો દૂર કરવાનો આદેશ આપવામાં આવ્યો છે જે તેણે ગેરકાયદેસર રીતે ઉગાડ્યા હતા. આ કારણોસર, માણસને વૃક્ષો દૂર કરવાનો આદેશ આપવામાં આવ્યો હતો, અથવા એક વર્ષની જેલ અથવા દંડની રકમ ભરવાનો આદેશ આપ્યો છે. 

જો કે હજુ સુધી એ સ્પષ્ટ થયું નથી કે તેણે રોડની વચ્ચે વૃક્ષો કેમ વાવ્યા. આદેશને પગલે સ્થળ પરથી કેળાના ઝાડ દૂર કરવામાં આવ્યા છે. આના પર તે વ્યક્તિએ કહ્યું, 'હું મારા સુંદર કેળાના ઝાડ વિના એકલો અનુભવું છું.' આ ઘટનાએ જાપાની મીડિયાનું ઘણું ધ્યાન આકર્ષિત કર્યું. તેઓએ તે વ્યક્તિનો ઇન્ટરવ્યુ લીધો જેણે તે કેળાના વૃક્ષો વાવ્યા. તેનો વીડિયો બનાવ્યો. તે કાચા કેળામાંથી એક ખાવાનો પ્રયાસ કરી રહ્યો છે. તે એટલું લીલું હતું કે તે ખાઈ શકાતું ન હતું, પરંતુ તેમ છતાં તે માણસે તે ખાધું.

તે ત્રણ કેળાના વૃક્ષો નવી જગ્યાએ વાવવામાં આવ્યા હતા. તેમાંથી બે ૮૦ વર્ષીય વ્યક્તિના બગીચામાં રોપવામાં આવ્યા હતા જેમણે તેમની સારી સંભાળ રાખવાનું વચન આપ્યું હતું. વ્યક્તિએ ત્રીજું વૃક્ષ તેના એક મિત્રને જન્મદિવસની ભેટ તરીકે ભેટમાં આપ્યું હતું.