વૈશ્વિક અર્થવ્યવસ્થા પર મોટી અસર પડશે ; રશિયા અને જર્મની સ્થિર રહેવાની ધારણા ; જાપાન દાયકાના અંત સુધીમાં ગુમાવશે ૩.૬ મિલિયન ગ્રાહકો

વૈશ્વિક અર્થતંત્રો ગ્રાહકો માટે મહત્વપૂર્ણ છે. આવનારા વર્ષોમાં ચીન અને ભારતમાં સૌથી વધુ ગ્રાહકો હશે. વિઝ્યુઅલ કેપિટાલિસ્ટ મુજબ, ચીનમાં ૨૦૩૦ સુધીમાં એક અબજ કરતાં વધુ ગ્રાહકો હોવાની અપેક્ષા છે, જે ૨૦૨૪ની સરખામણીમાં ૨૪% વધારો દર્શાવે છે. બીજું સૌથી મોટું ગ્રાહક બજાર ભારત હશે. અહીં ૭૭ કરોડથી વધુ ગ્રાહકો હશે, જેમાંથી મહત્તમ આશરે ૪૬%નો વધારો થશે.

વૈશ્વિક અર્થતંત્રમાં મધ્યમ વર્ગનો વધારો સ્થાનિક બજારોમાં ખર્ચ કરવાની શક્તિમાં વધારો થશે. બે અબજથી વધુ મજબૂત ગ્રાહકો ધરાવતા ભારત અને ચીનમાં વૈશ્વિક અર્થતંત્ર પર વ્યાપક અસર થવાની સંભાવના છે. જેમ કે, ઘણા પ્રકારના વ્યવસાયો આ બજારો પર તેમનું ધ્યાન કેન્દ્રિત કરશે, હાઈ ક્વોલીટીની કસ્ટમાઇઝ્ડ પ્રોડક્ટ્સ ઓફર કરશે અને વિવિધ માર્કેટિંગ વ્યૂહરચના અપનાવશે.

ડેટા સ્ત્રોતોમાં વિશ્વ બેંક, યુએન, યુરોસ્ટેટ અને ઓઇસીડીનો સમાવેશ થાય છે. આમાં દરરોજ ઓછામાં ઓછા ૧૦૦૦ રૂપિયાનો ખર્ચ કરનારને ગ્રાહક ગણવામાં આવે છે. ટોચના ૧૦ ગ્રાહક બજારોમાં મોટાભાગે એશિયન દેશોનો સમાવેશ થાય છે. બીજી તરફ, તમામ દેશોમાં ગ્રાહક આધાર વધારવાની કોઈ શક્યતા નથી. ઉદાહરણ તરીકે, રશિયા અને જર્મની સ્થિર રહેવાની ધારણા છે, જ્યારે જાપાન ઘટતી વસ્તીને કારણે દાયકાના અંત સુધીમાં ૩.૬ મિલિયન ગ્રાહકો ગુમાવશે. ઘટતા બજારોમાં ઈટાલી, પોર્ટુગલ, બલ્ગેરિયા અને તાઈવાનનો સમાવેશ થાય છે. 'ધ ફ્લાઈંગ ડાયમંડ' રિપોર્ટમાં પણ બે વર્ષ પહેલા આગાહી કરવામાં આવી હતી કે આગામી કેટલાક દાયકાઓમાં વિશ્વમાં અને ખાસ કરીને એશિયામાં નોંધપાત્ર વસ્તી વિષયક ફેરફારો થશે.