છેલ્લા એક દાયકા દરમિયાન આર્ટિફિશિયલ ઇન્ટેલિજન્સની પ્રગતિને માન્યતા આપનાર વિશ્વના ટોચના ૧૦ દેશોમાં ભારત સાતમા ક્રમે છે. ૨૦૧૩-૨૦૨૨ સુધીમાં, ભારતમાં ૨૯૬ સ્ટાર્ટઅપ્સે હેલ્થ કેર, ડેટા મેનેજમેન્ટ, પ્રોસેસિંગ, રિટેલ જેવા ક્ષેત્રોમાં રોકાણ કર્યું. એઆઈમાં રોકાણના મામલે અમેરિકા વિશ્વમાં નંબર વન છે. ૨૦૧૩ થી, કુલ ૪,૬૪૩ કંપનીઓએ આ દેશમાં $૨૪૯ બિલિયનનું રોકાણ કર્યું છે. ગયા વર્ષે જ અમેરિકામાં ૫૨૪ એઆઈ  સ્ટાર્ટઅપ શરૂ કરવામાં આવ્યા હતા, જેણે $૪૭ બિલિયનનું રોકાણ કર્યું હતું.
વૈશ્વિક સ્તરે, ૨૦૨૫ સુધીમાં એઆઈ રોકાણ $૨૦૦ બિલિયન થવાનો અંદાજ છે. ૨૦૧૦માં અમેરિકામાં એઆઈમાં બજારનો રસ શૂન્ય હતો, જે ગયા વર્ષે વધીને ૧૬ ટકા થયો હતો. ખાસ કરીને ચેટજીપીટીએ આ રસને વેગ આપ્યો.

૨૦૧૦ પછી એઆઈ પર સંશોધન બમણું થયું

વર્ષ ૨૦૧૦ થી એઆઈ ટેકનોલોજી પર સંશોધન બમણાથી વધુ થયું છે. મોટાભાગના સંશોધન મશીન લર્નિંગ, પેટર્ન રેકગ્નિશન અને કોમ્પ્યુટર વિઝન પર કરવામાં આવી રહ્યા છે. એઆઈ જર્નલ્સ અને કોન્ફરન્સના આયોજનમાં ચીન અગ્રેસર છે. અમેરિકા અને ચીન એ મુખ્ય દેશો છે જે એઆઈ  ક્ષેત્રમાં સંયુક્ત સંશોધનમાં આગળ છે. બંને દેશો વચ્ચે એઆઈ સંશોધનની સંખ્યામાં ૨૦૧૦ થી લગભગ ચાર ગણો વધારો થયો છે.

ઓનલાઈન જગતમાં એઆઈના ઉપયોગમાં સતત વધારો  

ભારતીયો વ્યાવસાયિક કાર્યમાં એઆઈનો ઉપયોગ કરવા માટે ઉત્સાહી છે. મોટા ભાગનાને લાગે છે કે એઆઈ તેમને કંટાળાજનક કાર્યોથી રાહત આપશે. ૭૫ ટકા માને છે કે એઆઈ  અપનાવવાથી વર્કલોડ ઘટશે અને વર્ક-લાઇફ બેલેન્સ જાળવવાનું સરળ બનશે. વિશ્વભરમાં એઆઈ ની સમજણ વધી છે. ઈન્ટરનેટ સર્ચ એન્જિન, સોશિયલ મીડિયા, કસ્ટમર કેર ચેટ પ્રોગ્રામ્સ અને એઆઈ ચેટ પ્રોગ્રામ્સ વગેરેમાં એઆઈને ઝડપથી અપનાવવામાં આવી રહ્યું છે.