જામનગર મહાનગરપાલિકા દ્વારા છેલ્લા કેટલાક સમયથી રસ્તે રઝળતા પશુઓને પકડવામાં આવે છે, પરંતુ છેલ્લા છ વર્ષમાં નવેમ્બર ર૦રર સુધીમાં કોર્પોરેશનની દસ વર્ષમાં ૧૦૪૭પ પશુઓને પકડયા છે, પરંતુ જેમાંથી ૩રપર પશુઓ મૃત્યુ પામ્યા છે, ગૌવંશમાં મૃત્યુદરનો આંક ચરમસીમા પર છે, એમ હિન્દુ સેના દ્વારા જણાવવામાં આવ્યું છે.


હિન્દુ સેના શહેર ગૌરક્ષા પ્રમુખ મહાનામ અઘેરાની યાદીમાં જણાવાયું છે કે, ર૦૧૭ માં ૧૦૧૬ પશુઓને પકડ્યા, જેમાંથી પ૩પ મૃત્યુ પામ્યા છે, ર૦૧૮ માં ૧૦૬૧ માંથી ૬૯૦, ર૦૧૯ માં ૧૭૭૭ માંથી ૬રર, ર૦ર૦ માં ર૧૯૧ માંથી ૪૩ર, ર૦ર૧ માં ૧૯૬૭ માંથી ર૬૮ અને ર૦રર ના નવેમ્બર સુધીમાં ર૪૬૩ ઢોર પકડ્યા છે, જેમાંથી ૭૦પ ના મૃત્યુ થયા છે.


​​​​​​​


રણજીતસાગર ગૌવંશનો ડબ્બો ક્યારેક તોડવામાં આવે છે, તો ક્યારેય ગોલ્ડન સીટી પાસેના ડબ્બમાંથી ગૌવંશ ભાગી જાય છે, પોલીસ ગુનો દાખલ કરે છે, પરંતુ પાંચ વર્ષમાં મૃત્યુદર ચરમસીમાએ પહોંચ્યો છે, કારણ કે ૧૦૪૭પ માંથી ૩૦ ટકા એટલે કે ૩રપર પશુઓના મોત થયા છે.