પોરબંદર નગરપાલિકાના તંત્રએ એન.આર.આઇ. મિલ્કતધારકો સામે વેરા વસુલાત ઝુંબેશ આગળ ધપાવી છે અને ત્રણ જેટલા એન.આર.આઇ.ના બંગલાને સીલ મારી દેવામાં આવ્યા છે તે ઉપરાંત બે એન.આર.આઇ. વતી ૬૦ હજાર ‚પિયાનો વેરો ચુકવી દેવામાં આવતા પાલિકાએ તેમની મિલ્કતને સીલ મારી ન હતી. 
પોરબંદર નગરપાલિકાના ચીફ ઓફિસર મનન ચતુર્વેદીની સુચનાથી હાઉસ ટેકસ વિભાગે બુધવારે બપોરબાદ વેરા વસુલાત ઝુંબેશમાં એન.આર.આઇ.ને ત્યાં ધામા નાખ્યા હતા. ૧ લાખ ૪૫ હજાર ‚પિયાનો ત્રણ એન.આર.આઇ.ના બંગલાનો વેરો લાંબા સમયથી બાકી હતો તે ભરવામાં આવ્યો નહી હોવાથી શહેરના પોશ ગણાતા વાડીપ્લોટ વિસ્તાર, સત્યનારાયણ મંદિર વિસ્તાર અને રામકૃષ્ણ મીશન સામે ભોજેશ્ર્વરપ્લોટ વિસ્તારમાં આવેલ બંગલાને સીલ મારવામાં આવ્યા હતા તે ઉપરાંત એમ.જી. રોડ ઉપર ૩૦ હજાર ‚પિયાનો બાકી વેરો હોવાથી બે દુકાનને પણ સીલ મારવામાં આવી હતી.
પોરબંદર નગરપાલિકાના હાઉસ ટેકસ વિભાગના ઇન્સપેકટર વિપુલભાઇ ભટ્ટે જણાવ્યુ હતુ કે જલારામકોલોની વિસ્તારમાં બે જેટલા એન.આર.આઇ.ના મકાનના ૬૦,૦૦૦ ‚ા.ના વેરા બાકી હતા આથી તેની સીલ મારવાની કાર્યવાહી કરવા માટે પાલિકાની ટીમ ગઇ ત્યારે તેમના સંબંધીએ આ રકમ ભરપાઇ કરી દીધી હતી.