સ્ત્રીઓ ત્વચાની સંભાળ માટે સૌથી મોંઘી પ્રોડક્ટ્સનો ઉપયોગ કરે છે. ઘણી વખત આ પ્રોડક્ટ્સ ત્વચાને ભારે નુકસાન પહોંચાડે છે. ઉપરાંત સ્કીન કેર માટે મોંઘા ઉત્પાદનો પર પૈસા ખર્ચવા દરેકની પહોંચમાં નથી. તેથી કેટલીક પ્રાકૃતિક વસ્તુઓની મદદથી પણ ચમકતી ત્વચા મેળવી શકાય છે. આ પ્રાકૃતિક વસ્તુઓ ત્વચામાં ચમક તો લાવશે સાથે સાથે ત્વચાની ઘણી સમસ્યાઓથી પણ છુટકારો અપાવશે.

મહિલાઓ હંમેશા સુંદર દેખાવા માટે પ્રયત્ન કરતી હોય છે. આ માટે તેઓ દર મહિને પાર્લરમાં જઈને ઘણા પૈસા ખર્ચે છે, પરંતુ થોડા સમય પછી ગ્લો ઓછો થઈ જાય છે. હંમેશા ચમકતી ત્વચા મેળવવા માટે  સ્કીન કેરની દિનચર્યામાં આ કુદરતી વસ્તુઓનો સમાવેશ કરવો જોઈએ.

ગ્લોઈંગ સ્કિન માટે આ કુદરતી વસ્તુઓનો ઉપયોગ કરો
 

હળદર

જો નિષ્કલંક ચમકદાર ત્વચા ઈચ્છો છો, તો ત્વચા સંભાળની દિનચર્યામાં હળદરનો ચોક્કસ સમાવેશ કરો. તે ઘણા ઔષધીય ગુણોથી ભરપૂર છે. જેના કારણે સદીઓથી તેનો ઉપયોગ ત્વચાની સંભાળ માટે કરવામાં આવે છે. હળદરના ઉપયોગથી ચહેરા પર ચમક તો આવશે જ પરંતુ ત્વચાની તમામ સમસ્યાઓ પણ દૂર થશે. ચણાનો લોટ અને દહીંમાં હળદર મિક્સ કરીને ફેસ પેક બનાવી શકો છો. જો ઈચ્છો તો આ ફેસ પેક રોજ લગાવી શકો છો.

કાચું દૂધ

ત્વચા માટે કાચા દૂધનો પણ ઉપયોગ કરી શકો છો. કાચા દૂધમાં પ્રોટીન, વિટામિન્સ, મિનરલ્સ અને ફેટી એસિડ મળી આવે છે. આ તમામ ગુણધર્મો ત્વચાને ચુસ્ત રાખવા અને તેને કુદરતી રીતે અંદરથી ચમકદાર બનાવવાનું કામ કરે છે. કાચું દૂધ પણ એક પ્રકારનું નેચરલ મોઈશ્ચરાઈઝર છે જેની મદદથી ત્વચાની ટેનિંગ દૂર કરી શકો છો અને દિવસભર ચહેરા પર ભેજ જાળવી શકો છો. કાચા દૂધનો ઉપયોગ કરવાથી ત્વચા ઝડપથી સુકાશે નહીં.
​​​​​​​

મધ

ચહેરા માટે મધનો પણ ઉપયોગ કરી શકો છો. મધમાં આવા અનેક ઔષધીય ગુણો જોવા મળે છે જે ત્વચા માટે ખૂબ જ ફાયદાકારક છે. જો ત્વચા ખૂબ જ શુષ્ક હોય તો કોઈપણ કોસ્મેટિક પ્રોડક્ટને બદલે મધનો ઉપયોગ કરો. તેનાથી ત્વચાની શુષ્કતા તો દૂર થશે જ સાથે સાથે ત્વચા અંદરથી ગ્લોઈંગ પણ બનશે.

આ કુદરતી વસ્તુઓના ઉપયોગથી લગભગ કોઈ એલર્જી થતી નથી તેમ છતાં જો કોઈ પ્રકારની એલર્જી હોય તો તરત જ ચહેરો ધોઈ લો. આ પછી ચહેરા પર બરફ લગાવો અને પછી ગુલાબજળ લગાવો. તેનાથી ચહેરાને ઠંડક મળશે. જો સમસ્યા વધી જાય તો તરત જ ડોક્ટરની સલાહ લો.