આપણી આસપાસની દુનિયા ઘણી અજાયબીઓથી ભરેલી છે, કેટલીક કુદરતી બાબતોનો તો આપણને કોઈ ઉલેક મલતો નથી પણ કેટલીક વસ્તુઓ એવી હોય છે જેનો જવાબ તેના સવાલમાં જ છુપાયેલો હોય છે.  સોશિયલ મીડિયા પર ઘણી વખત આવા સવાલ પૂછવામાં આવે છે, જે વિચારવા માટે મજબૂર કરી દે છે. પરંતુ વાસ્તવમાં તેમની પાછળ એક ખૂબ જ રસપ્રદ હકીકત છે. આવો જ એક પ્રશ્ન પૂછવામાં આવ્યો હતો કે જ્યારે સાબુ કે શેમ્પૂ નારંગી, લીલો, ગુલાબી, પીળો કે લાલ હોય છે, તો પછી તેના ફીણહંમેશા સફેદ કેમ હોય છે? આ થોડું વિચિત્ર નથી? ઘણા લોકોએ તેમની જાણકારી મુજબ જવાબ આપ્યા. પરંતુ આ પાછળનું કારણ શું છે?

અહેવાલ મુજબ સાબુને પાણીમાં ઓગાળીને જે સ્તર બને છે તે ખૂબ જ પાતળું હોય છે. તે સંપૂર્ણપણે પારદર્શક છે. તેની પાછળનું કારણ પ્રકાશ છે. જ્યારે પ્રકાશ સાબુના દ્રાવણમાં પ્રવેશે છે, ત્યારે તેને ઘણા નાના પરપોટા એટલે કે ઘણી સપાટીઓમાંથી પસાર થવું પડે છે. આ અસંખ્ય સપાટીઓ અલગ-અલગ દિશામાં પ્રકાશ ફેલાવે છે, જેના કારણે અંદર પ્રકાશનું પ્રમાણ ખૂબ જ વધી જાય છે અને ફીણ સફેદ દેખાય છે.