ભારતમાં ટૂંક સમયમાં તહેવારોની સિઝન શરૂ થવા જઈ રહી છે. આ અંગે ઈ-કોમર્સ કંપનીઓએ તૈયારીઓ શરૂ કરી દીધી છે. તેમાં ફ્લિપકાર્ટ, એમેઝોન જેવા નામો પણ સામેલ છે.ત્યારે કંપની વસ્તુઓ ઘણી ઓફર ચાલુ કરે છે ત્યારે એક રૂપિયામાં આઇફોન આપવાની ઓફર છે તો ક્યાંક અન્ય મોંઘી વસ્તુઓ પર સસ્તા દરે ઓફર છે.

આવી જાહેરાતો જોઈને ગ્રાહકો મોટી સંખ્યામાં ઈ-કોમર્સ વેબસાઈટ પર લોગઈન કરી રહ્યા છે. તે જ સમયે, ઘણા ગ્રાહકો સોશિયલ મીડિયા પર આવી જાહેરાતોને ભ્રામક ગણાવીને ફરિયાદો પણ નોંધાવી રહ્યા છે. હવે સરકાર ઈ-કોમર્સ પર આવતી જાહેરાતો પર પણ નજર રાખી રહી છે.

કેન્દ્રીય ઉપભોક્તા મંત્રાલયના સચિવે માહિતી આપી

કેન્દ્રીય ઉપભોક્તા મંત્રાલયના સચિવ નિધિ ખરેએ જણાવ્યું કે અમને આવી ફરિયાદો મળી છે. ઈ-કોમર્સ કંપનીઓ અવિશ્વસનીય દાવા કરી રહી છે. જ્યારે ગ્રાહકો ઓર્ડર આપે છે, ત્યારે તેમને કહેવામાં આવે છે કે ડિલિવરી ચાર્જ ખોટી રીતે ઉમેરવામાં આવે છે અને ડિસ્કાઉન્ટ અચાનક સમાપ્ત થઈ જાય છે. અમે આ ફરિયાદો પર નજર રાખી રહ્યા છીએ અને તેના પર કાર્યવાહી કરીશું.

ગ્રાહકો આ રીતે ફરિયાદ કરી શકે છે

જો ગ્રાહકો ઈ-કોમર્સ સાઇટ્સ પર આવી ભ્રામક જાહેરાતો જુએ છે, તો તેઓ કેન્દ્રીય ગ્રાહક મંત્રાલયના ફરિયાદ પોર્ટલ પર તેમની ફરિયાદ નોંધાવી શકે છે.એવી ઘણી વેબસાઇટ્સ છે જ્યાં મોંઘી અને વિદેશી વસ્તુઓ ઓછી કિંમતે વહેચે છે.

1 રૂપિયામાં આઇફોન વેચવાનું વચન

કેટલાક લોકોએ સોશિયલ મીડિયા પર એવી પણ ફરિયાદ કરી છે કે કેવી રીતે ઈ-કોમર્સ વેબસાઈટ 1 રૂપિયામાં આઈફોન વેચવાનું વચન આપી રહી હતી પરંતુ તેઓએ બુકિંગ કરાવ્યું ત્યાં સુધીમાં પ્રોડક્ટ વેચાઈ ગઈ હોવાનું જાહેર કરવામાં આવ્યું હતું.

હજુ પણ ઘણી ઈ-કોમર્સ વેબસાઈટ પર રૂ. 99 જેવો નંબર આપીને પ્રોડક્ટ્સ વેચવાના પ્રયાસો થઈ રહ્યા છે, જેના પર સરકારના મંત્રાલયના સચિવે કહ્યું છે કે તેઓ કાર્યવાહી કરશે.