લોકો સોશિયલ મીડિયા પર જંગલી પ્રાણીઓ તેમજ પાલતુ પ્રાણીઓના વીડિયો જોવાનું પસંદ કરે છે. કારણ કે ઘણી વખત આ વીડિયોમાં પ્રાણીઓની તે બાજુ પણ જોવા મળે છે, જે સામાન્ય રીતે લોકોને ખબર નથી હોતી. આ જ કારણ છે કે સોશિયલ મીડિયા પર વન્યજીવોના વીડિયો સૌથી વધુ જોવામાં આવે છે અને શેર કરવામાં આવે છે. સામાન્ય રીતે દીપડાને જોઈને લોકો કંપી ઉઠે છે. પણ હાલ દીપડાનો એક ચોંકાવનારો વીડિયો ઈન્ટરનેટ પર વાયરલ થઈ રહ્યો છે. જેમાં તે કોઈને ડરાવવા કે હુમલો કરવાને બદલે પોઝ આપતો જોવા મળ્યો હતો.

IFS સાકેત બડોલાએ પોતાના ટ્વિટર એકાઉન્ટ પર એક વીડિયો શેર કર્યો છે, જેમાં એક ચિત્તો રસ્તાના કિનારે ચાલતી વખતે અચાનક ઊભો રહી સેલિબ્રિટીની જેમ પોઝ આપવા લાગ્યો હતો. દીપડો અચાનક તેના બે પગ પર ઊભો થઈ જાય છે અને કોઈએ આ દ્રશ્ય પોતાના કેમેરામાં કેદ કરીને સોશિયલ મીડિયા પર શેર કર્યું હતું.

જેમ તમે ક્યારેય રીંછ, કૂતરો કે બિલાડી જોયા હશે. પણ બે પગે ઉભેલા દીપડાની આ સ્ટાઈલ જોઈને લોકો દંગ રહી ગયા હતા. કારણ કે જંગલના આ શિકારીની આ સ્ટાઈલ પહેલા ભાગ્યે જ કોઈએ જોઈ હશે.

સોશિયલ મીડિયા પર બે પગ પર ઉભેલા દીપડાનો વીડિયો સામે આવતા જ તે વાયરલ થવા લાગ્યો હતો. વીડિયોના કેપ્શનમાં લખ્યું છે- એરપોર્ટની બહાર પાપારાઝીને જોયા બાદ સેલિબ્રિટીઝ. દીપડો કોઈ સેલિબ્રિટીની જેમ જ પોઝ આપી રહ્યો હતો. જાણે કેમેરા સાથે ઘણા બધા લોકો તેની રાહ જોઈ રહ્યા હોય. જેમને તે જરાય નિરાશ કરવા માંગતો ન હતો. તેથી જ તે આક્રમક થયા વિના આટલા સારું પોઝ આપતો રહ્યો. દીપડાનો આ વીડિયો લોકોને ઘણો પસંદ આવ્યો. એક યુઝરે લખ્યું- એવું લાગે છે કે તે ચિત્તાના ડ્રેસમાં સેલિબ્રિટી.