ભિંડના પોલીસ અધિક્ષક અસિત યાદવના જણાવ્યા અનુસાર, મધ્યપ્રદેશના ભિંડમાં થયેલા માર્ગ અકસ્માત બાદ ગુસ્સે ભરાયેલા પરિવારના સભ્યો અને સ્થાનિક લોકોએ રસ્તો બ્લોક કરી દીધો છે. ઘટનાસ્થળે મોટી સંખ્યામાં પોલીસ દળ તૈનાત કરવામાં આવ્યું છે. તેમણે કહ્યું કે કેટલાક લોકો વાનમાં બેઠા હતા અને કેટલાક રસ્તા પર ઉભા હતા. ત્યારે અચાનક એક હાઇ સ્પીડ ડમ્પર ટ્રકે તેમને અને તેમના વાહનને ટક્કર મારી. તેમણે કહ્યું કે ત્રણ લોકોના ઘટનાસ્થળે જ મોત થયા. જ્યારે અન્ય બે લોકો પાછળથી મૃત્યુ પામ્યા.

ભિંડ પોલીસના જણાવ્યા અનુસાર, ભવાનીપુરાના રહેવાસી ગિરીશ બંસલ તેમના પરિવાર અને સંબંધીઓ સાથે જવાહરપુરામાં તેમની બહેનના ઘરે લગ્નમાં હાજરી આપ્યા પછી ઘરે પરત ફરી રહ્યા હતા. માહિતી મળતા જ એસપી અને પોલીસ કર્મચારીઓ ઘટનાસ્થળે પહોંચી ગયા. એવું કહેવામાં આવી રહ્યું છે કે મૃતક પરિવારના વડા ભિંડ કલેક્ટર કચેરીમાં કર્મચારી હતા.