નવા સંસદ ભવનનું આગામી તા.૨૮ના રોજ ઉદ્ઘાટન વડાપ્રધાન નરેન્દ્ર મોદી કરવા જઈ રહ્યા છે.ત્યારે અનેક લોકોએ તેનો વિરોધ કર્યો છે.અને કહ્યું છે કે નવા સંસદ ભવનનું ઉદ્ઘાટન કરવાનો હક દેશના પ્રથમ વ્યક્તિ રાષ્ટ્રપતિ દ્રૌપદી મુર્મુનો છે.આ ઉપરાંત કોંગ્રેસના નેતા જયરામ રમેશે રાષ્ટ્રપતિના હસ્તે નવી સંસદ ભવનનું ઉદ્ઘાટન ન કરાવવા બદલ વડાપ્રધાન નરેન્દ્ર મોદી પર નિશાન સંધી કહ્યું હતું કે દેશમાં મહાનનું બિરુદ મેળવનાર બે શાસકો અશોક ધ ગ્રેટ, અકબર ધ ગ્રેટ અને મોદી ધ ઈનોગ્રેટ.

કોંગ્રેસના નેતા જયરામ રમેશે રાષ્ટ્રપતિના હસ્તે નવી સંસદ ભવનનું ઉદ્ઘાટન ન કરાવવા બદલ વડાપ્રધાન નરેન્દ્ર મોદી પર નિશાન સાધ્યું છે.કોંગ્રેસના નેતા અને પૂર્વ કેન્દ્રીય મંત્રી જયરામ રમેશે નવા સંસદભવનના ઉદ્ઘાટનને લઈને વડાપ્રધાન નરેન્દ્ર મોદી પર પ્રહારો કર્યા હતા. જયરામ રમેશે કહ્યું કે, આ એક વ્યક્તિનો ઘમંડ અને સ્વ-પ્રમોશનની ઈચ્છા છે જેણે પ્રથમ આદિવાસી મહિલા રાષ્ટ્રપતિને બંધારણીય વિશેષાધિકારથી વંચિત કરી દીધા છે. પીએમ પર કટાક્ષ કરતા તેમણે મોદીને ઉદ્ઘાટક ગણાવ્યા છે.

કોંગ્રેસના નેતા જયરામ રમેશે ટ્વીટ કર્યું, "ગઈકાલે રાષ્ટ્રપતિ દ્રૌપદી મુર્મુએ રાંચીમાં ઝારખંડ હાઈકોર્ટ સંકુલમાં દેશના સૌથી મોટા ન્યાયિક સંકુલનું ઉદ્ઘાટન કર્યું. આ ઘમંડ અને સ્વ-પ્રોત્સાહન માટેની એક વ્યક્તિની ઈચ્છા છે." જેને નકારી કાઢવામાં આવ્યું છે. પ્રથમ આદિવાસી મહિલા રાષ્ટ્રપતિને 28 મેના રોજ નવી દિલ્હીમાં નવા સંસદ ભવનનું ઉદ્ઘાટન કરવાનો બંધારણીય વિશેષાધિકાર મળ્યો છે."

જયરામ રમેશે આગળ લખ્યું હતું કે દેશમાં મહાનનું બિરુદ મેળવનાર બે શાસકો અશોક ધ ગ્રેટ, અકબર ધ ગ્રેટ અને મોદી ધ ઈનોગ્રેટ.

કોંગ્રેસ, NCP, TMC અને આમ આદમી પાર્ટી સહિત દેશની 19 રાજકીય પાર્ટીઓએ રાષ્ટ્રપતિ દ્વારા નવા સંસદ ભવનનું ઉદ્ઘાટન ન કરવાના વિરોધમાં ઉદ્ઘાટન સમારોહનો બહિષ્કાર કરવાનો નિર્ણય લીધો છે. આ પક્ષોએ સંયુક્ત નિવેદન જારી કરીને તેની જાણકારી આપી હતી.નિવેદનમાં કહેવામાં આવ્યું છે કે લોકશાહીની આત્માને સંસદમાંથી હાંકી કાઢવામાં આવી છે. આવી સ્થિતિમાં અમને આ ઇમારતની કોઈ કિંમત દેખાતી નથી. અમે નિરંકુશ વડાપ્રધાન અને તેમની સરકાર સામે લડતા રહીશું.

વિપક્ષે કહ્યું અમે આ મહત્વપૂર્ણ અવસર પર અમારા મતભેદોને ઉકેલવા માટે તૈયાર છીએ. પરંતુ જે રીતે રાષ્ટ્રપતિ દ્રૌપદી મુર્મુને સંપૂર્ણપણે બાયપાસ કરીને વડાપ્રધાન સાથે નવી સંસદ ભવનનું ઉદ્ઘાટન કરવાનો નિર્ણય લેવામાં આવ્યો તે માત્ર ઉચ્ચ હોદ્દાનું અપમાન જ નહીં પરંતુ લોકશાહી પર સીધો હુમલો છે.રાષ્ટ્રપતિ ભારતમાં માત્ર રાજ્યના વડા જ નથી પરંતુ તે સંસદનો અભિન્ન અંગ પણ છે. તે સંસદને બોલાવે છે, અટકાવે છે અને સંબોધન કરે છે. ટૂંકમાં, રાષ્ટ્રપતિ વિના સંસદ ચાલી શકતી નથી.