મધ્યપ્રદેશના ઈન્દોરમાં આવેલું ખજરાના ગણેશ મંદિરની કહાની ચમત્કારિક છે. દૂર દૂર સુધી ભક્તોમાં આ મંદિરની આસ્થા જોવા મળે છે. ભક્તોની આસ્થાનું આ પાવન સ્થાન અવાર નવાર ભગવાનના ચમત્કાર ગણાવે છે. સંતાનની કામના, ધનની ઈચ્છા, નોકરીની જરૂરિયાતથી લઈને અનેક વરદાન મેળવવા માટે આ મંદિર જાણીતું છે. આ ચમત્કારિક મંદિર વિશે કહેવાય છે કે આ મંદિરમાં સ્વયંભૂ ગણપતિ ભક્તોની મનોકામના પૂરી કરે છે. ભક્તો અહીં આવીને ઊંધો સાથિયો બનાવે છે અને તેમનું કામ થઈ જાય છે.

આ મંદિરમાં 35 દાન પેટી છે.જેને ગણતા દિવસો લાગી જાય છે.મંદિરમાં ભક્તો દ્વારા શ્રદ્ધા અને ભક્તિ સાથે દાન આપવામાં આવે છે.આવી સ્થિતિમાં મંદિરમાં રાખવામાં આવેલી દાન પેટીઓમાં મળેલી રકમની ગણતરી આજથી શરૂ થઈ ગઈ છે.

આ દાન પેટીઓ ખોલતા ભારતીય રૂપિયાની સાથે વિદેશી ચલણ,સોનાના ઘરેણા અને ઘડિયાળો મળી આવી હતી. આ વર્ષે ઈન્દોરમાં ગ્લોબલ સમિટ અને પ્રવાસી ભારતીય સંમેલનનું આયોજન કરવામાં આવ્યું હતું.આ ગ્લોબલ સમિટ અને પ્રવાસી ભારતીય સંમેલનમાં વિદેશીઓ પણ આવ્યા હતા.જેમને આ ખજરા મંદિરની મુલાકાત લઇ હશે અને એવું કહી શકાય કે કોઈ વિદેશીએ આ દાન કર્યું હશે. પ્રથમ દિવસે 33 લાખ રૂપિયાની ગણતરી કરવામાં આવી છે.