ખંભાળિયા તાલુકાના સલાયા ગામે રહેતા ફિરોઝાબેન હુસેનભાઈ રૂંજા લગ્ન જામનગરના વસઈ ખાતે રહેતા હુસેન હસનભાઈ રૂંજા સાથે થયા હતા. લગ્નજીવન દરમિયાન તેઓને એક સંતાન પણ થયું હતું. ફરિયાદી ફિરોજાબેનને તેણીના પતિ હુસેનભાઈ દ્વારા લગ્નજીવન દરમિયાન શારીરિક તથા માનસિક દુ:ખ ત્રાસ આપી, ઘરમાંથી સગીર સંતાન સાથે કાઢી મૂકવામાં આવતા તેણી પોતાના પિતાના ઘરે રહેતી હતી.


આથી તેણીએ પોતાનું તથા પોતાના સગીર સંતાનનું ભરણપોષણ મેળવવા ખંભાળિયાની ફેમીલી કોર્ટમાં અરજી કરતાં અરજદારના વકીલ મોહમ્મદ હનીફ સોઢા દ્વારા અદાલત સમક્ષ રજૂ કરવામાં આવેલી દલીલોને ગ્રાહ્ય રાખી, ફેમિલી કોર્ટ દ્વારા માતા પુત્રને માસિક રૂપિયા ૬,૦૦૦નું ભરણપોષણ મંજૂર કરવામાં આવ્યું હતું. સાથે અરજી ખર્ચ પણ મંજુર કરવામાં આવ્યો હતો. આ કેસમાં અરજદાર તરફે વકીલ મહંમદ હનીફ સોઢા તથા રેહાના સોઢા રોકાયા હતા.
​​​​​​​