ઓમ રાઉતની ફિલ્મ આદિપુરુષ રિલીઝ થતાની સાથે જ વિવાદમાં આવી ગઈ છે. જ્યારે પહેલીવાર ફિલ્મનું ટ્રેલર રિલીઝ થયું ત્યારે તેને સોશિયલ મીડિયા પર ખૂબ ટ્રોલ કરવામાં આવ્યું હતું. જે બાદ ટ્રેલરમાં કેટલાક ફેરફાર કરવામાં આવ્યા હતા. જોકે ટ્રેલર લોકોને બહુ ગમ્યું ન હતું, પરંતુ તેમ છતાં દર્શકોને ફિલ્મ પાસેથી અપેક્ષા હતી કે ઓછામાં ઓછી ફિલ્મ તેમની અપેક્ષાઓ પર ખરી ઉતરશે.

જ્યારે આ ફિલ્મ 16 જૂને રિલીઝ થઈ ત્યારે તેના પર હુમલો થયો. પૌરાણિક ફિલ્મમાં જે પ્રકારના ડાયલોગ્સ અને વીએફએક્સનો ઉપયોગ કરવામાં આવ્યો છે તે લોકોના ગળામાંથી ઉતરી રહ્યા નથી અને તેનું પરિણામ એ છે કે સોશિયલ મીડિયાથી લઈને શેરીઓમાં ફિલ્મને લઈને હોબાળો મચી ગયો છે.
​​​​​​​

ફિલ્મમાં માતા સીતાને ભારતની દીકરી બતાવવા પર કાઠમાંડુંમાં એક ચોકાવનારો  નિર્ણય લેવાયો છે. અહીના તમામ થીએટરમાં બોલીવૂડની ફિલ્મો પર પ્રતિબંધ મુકવામાં આવ્યો છે. આ ઉપરાંત ફિલ્મમાં ભગવાન હનુમાનના ડાયલોગથી પણ ભારે હોબાળો મચ્યો છે.

પોતાના શરીર અને 'બાહુબલી'માં અભિનયથી બધાને દિવાના બનાવનાર પ્રભાસને પણ 'રામ'ના રૂપમાં લોકો પસંદ નથી કરી રહ્યા. શરૂઆતમાં પ્રભાસ પોતે આ રોલ માટે તૈયાર નહોતો. પરંતુ પછી ઓમ રાઉતે તેને મનાવી લીધો. આ અંગે ખુદ ડિરેક્ટરે ખુલાસો કર્યો છે

ઓમ રાઉતે કહ્યું, 'સાચું કહું તો, તેને સમજાવવું સરળ નહોતું કારણ કે રોગચાળા દરમિયાન જ્યારે અમે બધા અટવાઈ ગયા હતા ત્યારે મેં તેની સાથે ફોન પર વાતચીત કરી હતી. વાતચીત દરમિયાન, 'તેમણે મને પૂછ્યું કે તમે શું ઈચ્છો છો કે હું આ પાત્ર કરું? તો મેં કહ્યું, 'તમે ઠીક છો? મારો મતલબ હતો કે, હું ઈચ્છું છું કે તમે ભગવાન શ્રી રામની ભૂમિકા ભજવો. હું ઈચ્છું છું કે તમે રાઘવની ભૂમિકા ભજવો. તેણે કહ્યું ચોક્કસ? મેં કહ્યું હા. પણ પછી તે વિચારવા લાગ્યો કે આ કેવી રીતે થશે? ઝૂમ કોલ પર આટલા મોટા સ્ટારને ફિલ્મનું વર્ણન કરવું અશક્ય હતું. તેથી તે જ દિવસે હું મુંબઈથી હૈદરાબાદ જવા નીકળ્યો. હું હૈદરાબાદ ગયો હતો અને જ્યારે મેં તેને ફિલ્મ વિશે સંભળાવ્યું ત્યારે તેણે તરત જ હા પાડી દીધી. ત્યારે તે ખૂબ જ ઉત્સાહિત હતો. તે હંમેશા મને ટેકો આપનાર અને મારામાં વિશ્વાસ રાખનાર વ્યક્તિ હતો.