ફેમસ ડોલી ચાયવાલા ફરી એકવાર ચા બનાવવાની પોતાની અનોખી રીતને કારણે ચર્ચામાં છે. તેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેને જોઈને લોકો પોતાની આંખો પર વિશ્વાસ નથી કરી શકતા. વિશ્વના સૌથી અમીર વ્યક્તિઓમાંના એક બિલ ગેટ્સે આ વીડિયો પોતાના ઈન્સ્ટાગ્રામ એકાઉન્ટ પર શેર કર્યો છે. આમાં બિલ ગેટ્સ પહેલા કહે છે કે તેને ચા જોઈએ છે. આ પછી ડોલી ચાયવાલા તેની અનોખી સ્ટાઈલમાં ચા બનાવતા જોઈ શકાય છે.

આ વિડીયો સામે આવ્યા બાદ લોકોને પોતાની આંખો પર વિશ્વાસ જ ન આવતો. સોશિયલ મીડિયા પર તો જાણે કે મીમ્સનું પૂર આવ્યું હોય તેમ લાગી રહ્યું છે. લોકો વિવિધ પ્રકારના મીમ્સ શેર કરી રહ્યા છે. તેમનું કહેવું છે કે 2024માં બીજું શું જોવા મળશે તે કહી શકાય નહીં. ડોલી ચાયવાલા વિશે વાત કરીએ તો તે નાગપુરમાં ચા વેચે છે. લોકોને તેની ચા બનાવવાની રીત પસંદ છે. ફૂડ વ્લોગર્સ તેમના વીડિયો બનાવવા માટે દૂર દૂરથી આવે છે. આ સિવાય ડોલી તેની હેરસ્ટાઈલ અને કપડા પહેરવાની રીતને કારણે પણ ઘણો ફેમસ છે.

આ વીડિયોને શેર કરતી વખતે બિલ ગેટ્સે તેના કેપ્શનમાં લખ્યું, 'ભારતમાં તમે દરેક જગ્યાએ નવીનતા જોઈ શકો છો. ચાનો સાદો કપ પણ બનાવવામાં પણ!' વીડિયોમાં બતાવવામાં આવ્યું છે કે ડોલી ચા બનાવવા માટે દૂધમાં ચાની પત્તી, આદુ અને એલચી ઉમેરે છે. વીડિયોના ટેક્સ્ટમાં બિલ ગેટ્સ કહે છે કે હું ફરીથી ભારત આવવા માટે ઉત્સાહિત છું. જે અનોખી નવીનતાઓનું ઘર છેઆ વીડિયોને અત્યાર સુધીમાં મિલિયનથી વધુ લોકો જોઈ ચૂક્યા છે. આ અંગે લોકો કોમેન્ટ કરીને પોતાનો પ્રતિભાવ આપી રહ્યા છે.