દારૂના ગુનાના આરોપીને માર મારવાના પ્રકરણમાં સુરેન્દ્રનગર એલ.સી.બી.ના તત્કાલીન પી.આઈ.એન.કે.વ્યાસને બીનત્હોમત મુકત કરવાનો સાયલા કોર્ટનો હુકમ લીંબડી સેશન્સ કોર્ટે અમાન્ય રાખી પીઆઇ ચાર્જ કરવાનો હુકમ કર્યો છે.


આ કેસની હકીકત એવી છે કે, નાના હરણીયા ગામે રહેતા વનરાજભાઈ અમરાભાઈ ખાચર અને અન્ય લોકો વિરૂધ્ધ સાયલા પોલીસ સ્ટેશનમાં પ્રોહીબીશનના ગુન્હો નોંધાયેલ આ ગુન્હાની તપાસ સર્ચ-ન્દ્રનગર લોકલ ક્રાઈમ બ્રાંચ સંભાળેલ હતી અને વનરાજભાઈ ખાચર ખનના ગુન્હામાં બોટાદ જેલમાં હોય જેથી ટ્રાન્સફર વોરંટના આધારે તેનો કબજો સુરેન્દ્રનગર એલ.સી.બી.એ મેળવી તેઓની ધરપકડ પ્રોહીબીશનના ગુન્હામાં કરેલ સુરેન્દ્રનગર એલ.સી.બી.ના તત્કાલીન પી.આઈ એન.કે.વ્યાસે વનરાજ ખાચરના રીમાન્ડ ની માંગણી સાયલા કોર્ટમાં કરતા સાયલા કોર્ટે રીમાન્ડ મંજર કરી રીમાન્ડ ઉપર સોંપેલ ત્યારબાદ તા.૫-૧૦-૨૦૧૭ ના રોજ સવારના સમર્થ પી.આઈ. એન.કે.વ્યાસે રીમાન્ડ પર રહેલા વનરાજ ખાચરને એલ.સી.બી. પોલીસ સ્ટેશનની લોબીમાં ઉધા સુવડાવી અન્ય પોલીસ કર્મચારીઓને તેની ઉપર બેસાડી લાકડી વતી બેફામ માર મારવાનું ચાલુ કરેલ અને જાનથી મારી નાંખવાની ધમકી આપેલ લાકડીના મારના કારણે કરીયાદીને ઈજાઓ થયેલ અને પગની આંગળીમાં ફ્રેકચર જેવી ગંભીર ઈજા થયેલ આ અંગેની ફરીયાદ વનરાજભાઈ ખાચરે સાયલા કોર્ટમાં કરતા સાયલા કોર્ટે ફરીયાદ નોંધી ડીસ્ટ્રીક કોટ સુરેન્દ્રનગરને ફરીયાદ મોકલેલ ડીસ્ટ્રીકટ કોર્ટ સુરેન્દ્રનગરએ આ ફરીયાદમાં ઇન્કવાયરીનો હુકમ કરેલ અને ઈન્કવાયરી પુરી થયા બાદ ફોજદારી કેસ તરીકે રજીસ્ટર લેવા હુકમ કરેલ.ત્યારબાદ સાયલા કોર્ટે આ કેસ ફોજદારી તરીકે રજીસ્ટરે લઈ આગળની કાર્યવાહી કરેલ આ કેસમાં સાયલા કોર્ટ દ્વારા પી.આઈ.એન.કે.વ્યાસને શંકાનો લાભ આપી બીનત્હોમતમુકત કરવાનો હુકમ કર્યો હતો.
​​​​​​​
આ હુકમથી નારાજ થઈ આ કામના ફરીયાદી વનરાજભાઈ ખાચરે તેમના એડવોકેટ મારફત લીંબડી સેશન્સ કોર્ટમાં રીવીઝન અરજી ફાઈલ કરેલ અને સાયલા કોર્ટના હુકમને રદ કરવા દાદ માંગી હતી.બંનેપક્ષની રજુઆત અને દલીલને ધ્યાને લઇ લીંબડી સેશન્સ કોર્ટે પી.આઈ.એન.કે.વ્યાસને બીનત્હોમત છોડી મુકવાનો હુકમ રદ કરી તેઓ સામે ચાર્જ કરવાનો હુકમ કર્યો છે.આ કામમાં ફરીયાદી વનરાજભાઈ ખાચર વતી એડવોકેટ રધુવીર બસીયા તથા વિજય પટગીર રોકાયેલ હતાં.