જામનગરમાં વિસ્તારમાં રહેતા એક યુવાન પર મસાલો ખાવાના પ્રશ્ને તકરાર થયા પછી દુકાનદાર અને તેના ભાઈ તથા પુત્ર વગેરે ત્રણ શખ્સોએ હુમલો કરી વાહનમાં તોડફોડ કરી નાખ્યા ની ફરિયાદ પોલીસમાં નોંધાવવામાં આવી છે.


જામનગરમાં ભીમવાસ વિસ્તારમાં રહેતી શિતલબેન અશોકભાઈ પરમાર નામની યુવતીએ પોતાના ભાઈ પર હુમલો કરી તેના વાહનમાં તોડફોડ કરવા અંગે પાડોશમાંજ પાન-મસાલાની દુકાન ધરાવતા જીગ્નેશ નરશીભાઈ, તેનાભાઈ અજીત નરશીભાઈ, અને પુત્ર હર્ષ જીગ્નેશભાઈ સામે ફરિયાદ નોંધાવી છે.


ફરિયાદીનો ભાઈ બાઇક લઇને જીજે૧૦સીએલ-૧૧૪૦ લઇને પાન-મસાલો ખાવા ગયો હતો, ત્યારે તકરાર થઈ હતી, જેનું મન દુ:ખ રાખીને આ હુમલો કરાયાનું પોલીસમાં જાહેર થયું છે. જે મામલે સિટી બી. ડિવિઝન પોલીસ તપાસ ચલાવી રહી છે.
​​​​​​​