જામનગરમાં ટાઢોડુ યથાવત: તાપમાન ૧૪.૪ ડીગ્રી

December 30, 2025 05:42 PM

જામનગર સહિત સમગ્ર હાલારમાં ગઇકાલ સાંજથી ઠંડીના ચમકારામાં વધારો થયો છે, ડીસેમ્બરના અંતમાં સૌરાષ્ટ્રના કેટલાક વિસ્તારોમાં હળવા છાટા પડે તેવી શકયતા છે, તેવી આગાહી રાજયના હવામાન ખાતાએ કરી છે ત્યારે જામનગરમાં પણ ગઇકાલે સાંજે અને આજે સવારે ઠંડીનો ચમકારો જોવા મળ્યો હતો, જો કે કલેકટર કચેરીના ક્ધટ્રોલ રૂમ દ્વારા લઘુતમ તાપમાન ૧૪.૪ ડીગ્રી દર્શાવવામાં આવ્યું હતું, બે-ત્રણ દિવસ સુધી ઠંડો પવન ફુંકાશે તેવી હવામાન ખાતાએ આગાહી કરી છે.

જામનગર જિલ્લા કલેકટર કચેરીના કંટ્રોલ રૂમના જણાવ્યા અનુસાર લઘુત્તમ તાપમાન ૧૪.૪ ડિગ્રી જયારે મહત્તમ તાપમાન ૨૯.૬ ડિગ્રી સેન્ટિગ્રેડ નોંધાયું છે. વાતાવરણમાં ભેજનું પ્રમાણ ૭૯ ટકા રહ્યું હતું, જ્યારે પવનની ગતિ સરેરાશ પ્રતિ કલાકના ૧૦ થી ૧૫ કિ.મીની ઝડપે રહી હતી, સવારે અને રાત્રિના દરમિયાન ઠંડી તેમજ બપોરે આકરા તાપને લઈને મિશ્ર વાતાવરણ જોવા મળી રહયું હતું.

ધીમે-ધીમે ઠંડી વધતી જાય છે ત્યારે જી.જી.હોસ્પિટલ અને ખાનગી હોસ્પિટલમાં તાવ, શરદી, ઉધરસના કેસો વધી રહ્યા છે, જો કે હજુ પણ બપોરના ભાગમાં ગરમી જોવા મળે છે, જો ઠંડી પડે તો જીરૂ, બાજરી, ઘઉં, ચણા જેવા શિયાળુ પાકને પણ ફાયદો થાય તેમ છે, જો કે દેવભુમિ દ્વારકા જિલ્લામાં પણ છેલ્લા ૧૦-૧૨ દિવસથી ઠંડીનું પ્રમાણ વઘ્યું છે.

જામનગરમાં છેલ્લા કેટલાક સમયથી મિશ્ર ઋતુનું વાતાવરણ જોવા મળે છે, શહેરમાં મચ્છરનો ઉપદ્રવ પણ વધી ગયો છે, ઋતુ બદલાતા તાવ, શરદી, ઉધરસના કેસો પણ વઘ્યા છે, જામનગર શહેર અને ગામડામાં કમળાના દર્દીઓનું પ્રમાણ વઘ્યું છે અને ખાનગી હોસ્પિટલમાં વધુ બે દર્દીઓને કમળાની અસર જોવા મળી છે, આ વખતે શિયાળામાં ખાસ કોઇ ઠંડી પડી નથી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરમાં ટાઢોડુ યથાવત: તાપમાન ૧૪.૪ ડીગ્રી

Recent News

Gujarat's No. 1 evening newspaper