વોર અને પઠાણની સફળતા બાદ હાલ તો સિદ્ધાર્થ આનંદ નિર્દેશિત ફિલ્મ ફાઇટર ખૂબ જ ચર્ચામાં છે. પહેલા તેના રિલીઝ થયેલા ત્રણેય ગીતો, તેનું ટીઝર અને ટ્રેલર ફિલ્મ રસિકોને ખૂબ જ પસંદ પડયા છે. ત્યારે આ ફિલ્મ ઝડપભેર સિનેમાઘરોમાં રિલીઝ થાય અને તેને માણી શકાય તેવી મનોરંજન રસિયાઓ ઇચ્છા ધરાવતા હતા. ત્યાર હવે ગણતરીના દિવસોમાં ફાઇટર રિલીઝ થવાની છે અને ફિલ્મ રસિકો માટે સમાચાર છે કે આ ફિલ્મનું એડવાન્સ બુકિંગ પણ શરૂ થઇ ગયું છે.

સૌ પ્રથમ તો ફિલ્મ ફાઇટરને સેન્સર બોર્ડે લીલીઝંડી આપી દીધી છે. આ સાથે જ ફિલ્મને યુએ સર્ટિફિકેટ પણ આપી દેવાયું છે. એટલે ફિલ્મ ફાઇટર હવે સિનેમાધરોમાં રિલીઝ થવા માટે તૈયાર છે આગામી 25 જાન્યુઆરીના આ ફિલ્મ રિલીઝ થવાની છે. જેના માટે એડવાન્સ બુકિંગ પણ શરૂ કરી દેવામાં આવ્યું છે. આ માટે નિર્માતાએ સોશિયલ મીડિયા પર વિડીયો શેર કરી ફાઇટરના એડવાન્સ બુકિંગ માટે જાણકારી આપી છે.

આ ઉપરાંત વાત કરવામાં આવે ફાઇટરના રનર ટાઇમ વિશે તો મળતી માહિતી અનુસાર બે કલાક 46 મિનિટ એટલે કે 166 મિનિટનો રનર ટાઇમ ફાઇટર ધરાવે છે. મહત્વનું છે કે આ પહેલા ફાઇટરના રનર ટાઇમ અંગે અફવા વહેતી થઇ હતી. જેનું ખંડન ખૂદ નિર્માતાએ કર્યું હતું પરંતુ એ સમયે તેમણે ફાઇટરના વાસ્તવિક રનર ટાઇમ વિશે માહિતી આપી નહોતી. હાલ તો ફિલ્મ ફાઇટર સિનેમાઘરોમાં રિલીઝ થવા માટે તૈયાર છે અને ગણતરીના દિવસો બાદ ફિલ્મ રિલીઝ થયા બાદ તે આ વર્ષની પ્રથમ બ્લોકબસ્ટર બને તેવી અપેક્ષા છે.