મુંબઈ એરપોર્ટ પર એક ખાનગી ચાર્ટર્ડ પ્લેન ક્રેશ થયું હોવાના સમાચાર છે. મળતી માહિતી મુજબ, ચાર્ટર્ડ પ્લેન વરસાદ વચ્ચે લેન્ડિંગ દરમિયાન રનવે પર ક્રેશ થયું હતું. આ પછી પ્લેન બે ભાગમાં તૂટી ગયું અને આગ લાગી. ઘટનાની જાણ થતાં જ ફાયર બ્રિગેડની ટીમ ઘટનાસ્થળે પહોંચી હતી અને આગ કાબુમાં લેવાની કામગીરી શરૂ કરી હતી.



વિમાનમાં 6 મુસાફરો અને 2 ક્રૂ મેમ્બર સવાર હતા. હાલ મળતી માહિતી મુજબ પ્લેનમાં સવાર કોઈને ઈજા થઈ નથી.

ડિરેક્ટોરેટ જનરલ ઓફ સિવિલ એવિએશન (DGCA) એ જણાવ્યું કે વિશાખાપટ્ટનમથી મુંબઈ જઈ રહેલું VSR વેન્ચર્સ લીઅરજેટ 45 એરક્રાફ્ટ VT-DBL મુંબઈ એરપોર્ટના રનવે 27 પર ઉતરતી વખતે ક્રેશ થયું હતું. પ્લેનમાં 6 મુસાફરો અને 2 ક્રૂ મેમ્બર હતા. ડીજીસીએએ જણાવ્યું કે ભારે વરસાદને કારણે આ દુર્ઘટના સર્જાઈ છે. વરસાદને કારણે વિઝિબિલિટી 700 મીટર હતી.