જૂનાગઢમાં ટ્રાન્સપોર્ટમાં પાર્સલમાં દારૂની હેરાફેરી ના બનાવમાં પોલીસે ૮૬,૪૦૦ નો મુદ્દા માલ કબજે કરી દારૂ આપનાર અને દારૂ લેવા આવનાર બે બુટલેગરો સામે ગુન્હો નોંધી ઝડપી લેવા ચક્રો ગતિમાન કર્યા છે જૂનાગઢમાં બુટલેગરો દ્વારા દારૂની હેરાફેરીમાં નવા કરતબો અજમાવતા હોય તેમ દોલતપરા વિસ્તારમાં ટ્રાન્સપોર્ટ માં પાર્સલમાં દારૂ ની હેરાફેરી થાય તે પહેલા એલસીબી પોલીસે દરોડો પાડી બુટલેગરો ના મનસુબા પર પાણી ફેરવ્યું હતું જોકે બુટલેગર હાથ ન  આવતા ઝડપી લેવા ચક્રો ગતિમાન કર્યા છે.
​​​​​​​
આ અંગે બી ડિવિઝન પોલીસ માંથી પ્રાપ્ત વિગત મુજબ  દોલતપરા નાયરા પેટ્રોલ પંપ સામે ડીલીવરી ટ્રાન્સપોર્ટ ના ગોડાઉનમાં પાર્સલમાં વિદેશી દારૂ મોકલાયો હોવાની વિગત ને આધારે એલસીબી એ દરોડો પાડી પાર્સલમાંથી  ૧૪૪ પાઉચ અને ૬ પેટી વિદેશી દારૂ  મળી કુલ ૮૬,૪૦૦ નો દારૂ ઝડપી તપાસ કરતા આ દારૂ જૂનાગઢના ગાંધીગ્રામ ના હરેશ ઉર્ફે હરિયો ગરચર એ મંગાવ્યો હોવાનું સામે આવતા પોલીસે  દારૂ મગાવનાર બુટલેગર  અને દારૂ લેવા આવનાર અજાણ્યા મોબાઈલ ધારક સામે પ્રોહિબીશન એક્ટ અંતર્ગત ગુન્હો નોધી ઝડપી લેવા વધુ કાર્યવાહી હાથ ધરી હતી.