ઉપલેટામાં રિલાયન્સ ટ્રેન્ડસ મોલમાં ગ્રાહકોએ કેશિયરને માર માર્યાની ફરિયાદ નોંધાઈ છે. આ અંગેની ફરિયાદ મુજબ અજયભાઈ અશોકભાઈ વાણિયા ઉ.વ.૨૭ રિલાયન્સ ટ્રેન્ડસ મોલમાં કેશિયર તરીકે નોકરી કરે છે. મોલમાં ત્રણ વ્યક્તિઓ ખરીદી માટે આવેલ અને ખરીદી બાદ તેઓએ ગુગલ પે દ્વારા ‚ા.૧૨૯૯ સ્કેન મશીનથી પેમેન્ટ કરેલ જે પેમેન્ટ ખરીદી કરનાર પાસેથી કપાયેલ બતાવેલ અને જયારે અમારા રિલાયન્સનો સ્કેનરમાં રીસીવ ન થતા કપડા માગેલ જેથી અમારા મેનેજર રહેમતુલ્લા ફરદીનનાઓએ તેને સમજાવેલ કે અમારી પાસે પેમેન્ટ જમા નથી થયેલ અને જે અમો કપડા ન આપી શકીએ અને કંઈક એરર હશે તો પેમેન્ટ પ્રોસિઝરની બાદ તમારામાં સાત દિવસમાં પૈસા જમા થઈ જશે તેવી મેનેજરે ખાતરી આપેલ છતાયે ત્રણેય જણા ઉશ્કેરાઈ જઈને ગાળો બોલવા લાગેલ અને મારી સાથે ઝપાઝપી કરી આડેધડ લાફા અને ઢીકાપાટુનો માર મારવા લાગેલ માથાકુટ કરનાર રજાકભાઈ ઉર્ફે કાળિયા ગનીભાઈ ઓડિયા, મહમદહુશેન રજાકભાઈ ઓડિયા હતા અને એક તેની સાથે આવેલ અજાણ્યો વ્યક્તિ સામે ફરિયાદ નોંધાવી છે. આ અંગે પોલીસે આગળની કાર્યવાહી હાથ ધરી છે.