ઉત્તર પ્રદેશના મેરઠમાં બનેલી ઘટનામાં તીવ્ર પ્રત્યાઘાત પડ્યા

યુપી ના મેરઠમાં ભાજપના નેતાનો અશ્લીલ વીડિયો બનાવીને વાયરલ કરનાર બે પાર્ટી નેતાઓને હાંકી કાઢવામાં આવ્યા છે. મળતી માહિતી મુજબ રવિન્દ્ર નાગરે એડિટિંગ દ્વારા મહિલા નેતાનો અશ્લીલ વીડિયો બનાવ્યો હતો અને તેને તેના નજીકના કાઉન્સિલર રવિન્દ્ર સિંહને આપ્યો હતો. બંને સામે ગંભીર કલમો હેઠળ કેસ નોંધવામાં આવ્યો છે અને બંનેને ભાજપમાંથી હાંકી કાઢવામાં આવ્યા છે. મણીપુરની ઘટના અને હિંસા બાદ મહિલાઓ સામેની બર્બરતા સામે કડક હાથે કામ લેવાનું શરુ થયું છે.

ઉત્તર પ્રદેશના મેરઠમાં ભાજપના જ એક મહિલા નેતાનો અશ્લીલ વીડિયો બનાવીને વાયરલ કરવા બદલ પાર્ટીના બે નેતાઓની હકાલપટ્ટી કરવામાં આવી છે. મળતી માહિતી મુજબ, સોમદત્ત વિહારના રહેવાસી રવિન્દ્ર નગરે કથિત રીતે એડિટિંગ દ્વારા મહિલા નેતાનો અશ્લીલ વીડિયો બનાવ્યો હતો. પછી તે પોતાના નજીકના કાઉન્સિલર રવીન્દ્ર સિંહને આપ્યો. સિંહે નકલી આઈડીથી વીડિયો સોશિયલ મીડિયા પર વાયરલ કર્યો હતો. આ કેસમાં બંને વિરુદ્ધ ગંભીર કલમો હેઠળ કેસ નોંધવામાં આવ્યો છે. બીજી તરફ ભાજપે બંને નેતાઓને અનુશાસન હીનતાના આરોપમાં પક્ષમાંથી હાંકી કાઢ્યા છે.

ધવર બીજેપી મેટ્રોપોલિટન પ્રેસિડેન્ટ મુકેશ સિંઘલે જણાવ્યું કે પાર્ટી નેતૃત્વના આદેશ પર જાગૃતિ વિહાર મંડળના નેતા રવિન્દ્ર નાગર, વોર્ડ-18 કાઉન્સિલર રવિન્દ્ર સિંહ અને બીજેપી મેડિકલ સેલના કો-ઓર્ડિનેટર રાજકુમાર બજાજને પાર્ટીમાંથી હાંકી કાઢવામાં આવ્યા છે. રાજકુમાર બજાજને ખોટા નિવેદનો કરવા બદલ પાર્ટીમાંથી હાંકી કાઢવામાં આવ્યા છે.

બીજી તરફ રવિન્દ્ર સિંહ અને રવિન્દ્ર નાગર પર આરોપ છે કે તેણે પહેલા પાર્ટીની મહિલા નેતાને બદનામ કરવા માટે એડિટિંગ દ્વારા તેનો અશ્લીલ વીડિયો બનાવ્યો હતો. પછી એકબીજાને શેર કર્યા અને બાદમાં ફેક આઈડી દ્વારા સોશિયલ મીડિયા પર વાયરલ કર્યા. બંને વિરુદ્ધ કેસ નોંધવામાં આવ્યો છે. હાલ બંનેને વચગાળાના જામીન મળ્યા છે.