જામનગરમાં વાયુનગર વિસ્તારમાં રહેતી અને બ્યુટી પાર્લર ચલાવતી એક યુવતી પર જમીનના પ્રશ્ને ચાલી રહેલી જુની અદાવતનો ખાર રાખીને ચાર શખ્સોએ છરી અને ધોકા વડે હુમલો કર્યા ની ફરિયાદ પોલીસમાં નોંધાવવામાં આવી છે.


જામનગરના ઢીચડા રોડ પર વાયુનગરમાં રહેતી અને બ્યુટી પાર્લર ચલાવતી સોનલબેન ફિરોજભાઈ નોતિયાર(ઉ.વ.૨૯) નામની યુવતીએ પોતાના ઉપર છરી વડે ઈજા પહોંચાડવા અંગે, તેમજ ધોકા પડે અને ઇંટનો ઘા કરી માર મારવા અંગે જામનગરમાં રહેતા ઈસ્માઈલ બોધુ સમા, અલ્તાફ બોદુભાઇ સમા, ઉપરાંત ઉપલેટાના હારૂન હુસેનભાઇ રાવપુરા અને જામનગરની હવાબેન બોદુભાઈ સમા સામે ફરિયાદ નોંધાવી છે.


 પોલીસ ફરિયાદમાં જાહેર કરાયા અનુસાર ફરીયાદી યુવતીના ભાઈને આરોપીઓ સાથે જમીન બાબતે ઝઘડો ચાલે છે, અને તે અંગે ફરિયાદ કરી છે. જે ફરિયાદ અંગેનું મન દુ:ખ રાખીને આ હુમલો કરાયાનું પોલીસમાં જાહેર થયું છે.