નિયમનો અમલ ૧ નવેમ્બરથી કરવાની સરકારની જાહેરાત, ઉપકરણોની આયાત કરતી કંપનીઓને રાહત

ડાયરેક્ટોરેટ જનરલ ઓફ ફોરેન ટ્રેડએ જારી કરેલા આદેશમાં જણાવ્યું હતું કે 3 ઓગસ્ટ (ગુરુવાર)ની સૂચના 1 નવેમ્બરથી લાગુ થશે.

સરકારે લેપટોપ અને કોમ્પ્યુટર્સ (ટેબ્લેટ કોમ્પ્યુટર સહિત) પર આયાત પ્રતિબંધના આદેશના અમલીકરણને લગભગ ત્રણ મહિના 31 ઓક્ટોબર સુધી ટાળી દીધું છે. કેન્દ્રના આ નિર્ણયથી ઈલેક્ટ્રોનિક કંપનીઓને લાઇસન્સ વિના આ ઉપકરણોની આયાત કરવા માટે વધુ સમય મળશે.

હવે આ કંપનીઓએ 1 નવેમ્બરથી આ ઉપકરણોની આયાત કરવા માટે સરકાર પાસેથી લાયસન્સ લેવું પડશે. 3 ઓગસ્ટના રોજ, સરકારે આ સાધનોની આયાતને તાત્કાલિક અસરથી લાઇસન્સ સિસ્ટમ હેઠળ મૂકી દીધી હતી, ત્યારબાદ ઉદ્યોગોએ સરકાર સમક્ષ નોટિફિકેશન પર પ્રશ્નો ઉભા કર્યા હતા.

ડાયરેક્ટોરેટ જનરલ ઓફ ફોરેન જારી કરેલા આદેશમાં જણાવ્યું હતું કે 3 ઓગસ્ટની સૂચના 1 નવેમ્બરથી લાગુ થશે. તેમાં ઉમેર્યું હતું કે, "પ્રતિબંધિત આયાત માટે લાયસન્સ વગરના આયાત માલને 31 ઓક્ટોબર, 2023 સુધી ક્લિયર કરી શકાશે. 1 નવેમ્બર, 2023થી આયાત માલની મંજૂરી માટે, પ્રતિબંધિત આયાત માટે માન્ય લાઇસન્સ જરૂરી છે."

આદેશમાં જણાવાયું છે કે "લેપટોપ, ટેબલેટ, ઓલ-ઇન-વન પર્સનલ કમ્પ્યુટર્સ, અલ્ટ્રા-સ્મોલ ફોર્મ ફેક્ટર કમ્પ્યુટર્સ અને સર્વરની આયાત માટે 31 ઓક્ટોબર, 2023 સુધી ઉદાર સંક્રમણકારી નીતિ અપનાવાશે ." આ પગલાથી તે કંપનીઓને રાહત મળશે જેઓ ગુરુવારના આદેશ બાદ મૂંઝવણમાં છે

સુરક્ષાના કારણોસર અને સ્થાનિક ઉત્પાદનને પ્રોત્સાહન આપવાની જરૂરિયાતને કારણે આ પ્રતિબંધો લાદવામાં આવ્યા હતા. આ પગલાથી ચીન અને કોરિયા જેવા દેશોમાંથી આ માલની આવનારી શિપમેન્ટમાં પણ ઘટાડો થશે.