સરકારે આપેલી ખાતરીઓ માટેની સમિતિ દ્વારા તા.૯ થી ૧૧મી ઓગસ્ટ-૨૦૨૩ દરમિયાન જામનગર, દેવભૂમિ દ્વારકા અને ગીર સોમનાથ જિલ્લાના અભ્યાસ પ્રવાસનું આયોજન કરવામાં આવ્યું છે. 
​​​​​​​

ગુજરાત વિધાનસભાની ખાતરી સમિતિનો આ અભ્યાસ પ્રવાસ તા.૯મી ઓગસ્ટના રોજ બુધવારે સવારે ૭ કલાકે સદસ્ય નિવાસ, ગાંધીનગરથી શરૂ થશે. જેમાં માર્ગ અને મકાન વિભાગ હસ્તકના ચાંગોદર / મોરૈયા, લીમડી સિક્સ લેન તેમજ કુવાડવા ફ્લાય ઓવરબ્રિજ સહિતના પૂર્ણ તથા પ્રગતિ હેઠળના વિવિધ પ્રોજેક્ટ, જામનગર તાલુકાના રસ્તાઓનું નિરીક્ષણ, જામનગરથી જામખંભાળિયા તાલુકાના રસ્તાઓનું નિરીક્ષણ કરવામાં આવશે તેમ ગુજરાત વિધાનસભા સચિવાલયના નાયબ સચિવની યાદીમાં જણાવાયુ છે.