છેલ્લા કેટલાક મહિનાઓથી આર્ટિફિશિયલ ઈન્ટેલિજન્સ ખૂબ ચર્ચાનો વિષય બન્યું છે, જેમ મશીનોએ માણસોનું કામ ઓછું કર્યું છે તેમ આર્ટિફિશિયલ ઈન્ટેલિજન્સના કારણે પણ લોકોનું કામ વધુ સરળ બન્યું છે. AI ની અસર સમગ્ર વિશ્વમાં ઝડપથી વધી રહી છે, જેના કારણે કલાકો લાગતા કામ માત્ર મિનિટો કે સેકન્ડમાં પૂર્ણ થઈ શકે છે. AI નોકરીમાં સૌથી વધુ અસર કરી રહ્યું છે, ખાસ કરીને મહિલાઓ માટે નોકરીના ખતરો ઉભો થયો છે. એક ગ્લોબલ ઇન્સ્ટિટ્યૂટ દ્વારા હાથ ધરવામાં આવેલા સંશોધન દર્શાવે છે કે AIના કારણે નોકરી ગુમાવવાથી મહિલાઓને સૌથી વધુ અસર થશે.

સંશોધન અહેવાલ મુજબ, 2030 સુધીમાં, શ્રમ બજારમાં લગભગ ત્રણ-ચતુર્થાંશ કામ મશીનો દ્વારા જ પૂરું થઇ જશે. પરિણામે, આગામી વર્ષોમાં મહિલાઓને પુરૂષો કરતાં 1.5 ગણી વધુ નવી નોકરીની તકો શોધવી પડશે. આ ફેરફાર વિવિધ ક્ષેત્રો પર AIની અસરનું પરિણામ હશે. સંશોધન દર્શાવે છે કે ઓછા વેતનના ક્ષેત્રોમાં મહિલાઓનું વધુ પડતું પ્રતિનિધિત્વ છે, એટલે કે ઓછા વેતનની નોકરીઓ વધુ છે, જેમ કે ગ્રાહક સેવા, વેચાણ કચેરીઓ અને ખાદ્ય સેવાઓ સહિત અન્ય નોકરીઓ. અહીં મહિલાઓ મોટી સંખ્યામાં નોકરી કરે છે, તેથી આ ક્ષેત્રો મશીનો અને AI દ્વારા પ્રભાવિત થવાની શક્યતા વધુ છે.

હાલમાં, લગભગ 80% વર્કિંગ વુમન એઆઈને કારણે નોકરી ગુમાવી શકે તેવી સંભાવના છે, એટલે કે 80% નોકરીઓ કે જેને AI દ્વારા સૌથી વધુ અસર થશે. એક બિઝનેસ સ્કૂલ દ્વારા હાથ ધરવામાં આવેલા અભ્યાસમાં ભાર મૂકવામાં આવ્યો છે કે આ કામ કરતી મહિલાઓને અસર થવાનું સૌથી વધુ જોખમ છે.