જામનગરની વિદ્યાર્થિની પર દૂષ્કર્મ આચરવાના ચકચારી પ્રકરણમાં લંપટ આચાર્ય પોલીસ પકડથી દૂર છે, બીજી બાજુ આચાર્ય દ્વારા કોર્ટમાં આગોતરા જામીન અરજી કરવામાં આવી છે જેની સુનાવણી આવતીકાલે બુધવારે થનાર છે.


જામનગરની સત્યસાઈ સ્કૂલના પૂર્વ પ્રિન્સિપાલ અને હાલ લાખાબાવળની કૉલેજમાં ફરજ બજાવતા મનિષ બુચ સામે તાજેતરમાં દૂષ્કર્મની ફરિયાદ સિટી ‘બી’માં નોંધાવવામાં આવી હતી. ફરિયાદ દાખલ થતાં ભારે ચકચાર મચી ગઈ હતી અને આરોપી લંપટ આચાર્ય ભૂગર્ભમાં ઊતરી ગયો હતો.


પોલીસ દ્વારા તેને ઝડપી લેવા જુદા-જુદા વિસ્તારોમાં તપાસ ચલાવવામાં આવી રહી છે, બીજી બાજુ લંપટ આચાર્યએ પોતાના વકીલ મારફત કોર્ટમાં આગોતરા જામીન અરજી કરી છે. બીજી તરફ પોલીસે તપાસ સહિતના કારણોસર મુદ્દત રિપોર્ટ આપ્યો હતો આથી જામીન અરજીની સુનાવણી આવતીકાલ બુધવારે થશે.
​​​​​​​