યુપીના ઈટાવામાં 28 વર્ષની યુવતી જેન્ડર ચેન્જ કરાવીને યુવક બની ગઈ. તેણે પોતાનું નામ શાલિનીથી બદલીને શાનુ શુક્લા રાખ્યું. શાલિની લાંબા સમયથી તેનું જેન્ડર બદલવા માંગતી હતી પરંતુ તેના પરિવારના સભ્યો તેને મંજૂરી આપતા ન હતા. જો કે, બાદમાં તે સંમત થયા અને અનેક તબીબી પ્રક્રિયાઓમાંથી પસાર થયા બાદ શાલિનીની ઈચ્છા પૂરી થઈ. જેન્ડર ડિસફોરિયાને કારણે, તેણી બાળપણથી જ છોકરાની જેમ જીવવાનું પસંદ કરતી હતી.

થાણા ફ્રેન્ડ્સ કોલોની વિસ્તારના રહેવાસી શાલિનીથી બનેલા શાનુ યુવકે જણાવ્યું કે જેન્ડર ચેન્જ માટે વ્યક્તિએ ઘણા તબક્કામાંથી પસાર થવું પડે છે. બે વર્ષ પહેલા હોર્મોન થેરાપી કરાવી હતી. પછી સ્તનનું ઓપરેશન કરાવ્યું અને હવે પ્રાઈવેટ પાર્ટને પણ ડેવલપ કરવામાં આવી રહ્યો છે. લાખોનો ખર્ચ થયો છે. મેં મારા લગ્નના પૈસા સર્જરી પાછળ ખર્ચ્યા કારણ કે હું લગ્ન કરવા માંગતી ન હતી.

તમે જેન્ડર બદલવાનું કેમ નક્કી કર્યું? આ પ્રશ્નના જવાબમાં શાનુ શુક્લાએ જણાવ્યું કે તેના પિતા હોમગાર્ડ તરીકે નોકરી કરે છે. પરિવારમાં ત્રણ બહેનો અને એક મોટો ભાઈ હતો. પરંતુ 2019માં ભાઈનું રોડ અકસ્માતમાં મૃત્યુ થયું હતું. તેના મૃત્યુ બાદ માતા-પિતા ડિપ્રેશનનો શિકાર બન્યા હતા. આવી સ્થિતિમાં તેણે પોતાને છોકરામાં બદલવાનું નક્કી કર્યું. 

હાલ, બાકીની બે બહેનોના લગ્ન છે. શાલિની પોતે લગ્ન કરવા માંગતી ન હતી, તેથી તેણે તેના મોટા ભાઈના બાળકોના ઉછેરની જવાબદારી પોતાના પર લીધી. લિંગ બદલાયા બાદ હવે તે પોતાની જવાબદારીઓ નિભાવી રહી છે. મેડિકલ સર્જરી વિશે જણાવતાં સાનુએ કહ્યું કે બાળપણથી જ તેને છોકરાઓની જેમ જીવવાનું પસંદ હતું. શર્ટ-પેન્ટ પહેરવાનું હોય કે પછી તેમની સાથે રમવાનું અને કૂદવાનું હોય, બધું કામ છોકરાઓની જેમ કરવા હતા. તેણે કહ્યું કે, મારા દિલમાં છોકરો બનવાની ઈચ્છા હતી, પણ મને મારા પરિવારની મંજુરી ન મળી. જોકે, મારા ભાઈના મૃત્યુ બાદ મેં પરિવારજનોને સમજાવી તો તેઓ રાજી થયા.