ઇટાલીમાં શાર્કની એક પ્રજાતિએ ગભર્ધિાન વિના બચ્ચાને જન્મ આપ્યો. શાર્કની દુનિયામાં વર્જિન બર્થનો આ પહેલો કિસ્સો છે. આનો અર્થ એ થયો કે બેબી શાર્કના જન્મમાં કોઈ પુરુષ શાર્કના શુક્રાણુનો ઉપયોગ કરવામાં આવ્યો ન હતો.
ન્યૂઝવીકના અહેવાલ અનુસાર, લિગુરિયાના એક્સપેરિમેન્ટલ ઝૂપ્રોફિલેટિક ઇન્સ્ટિટ્યૂટના વૈજ્ઞાનિકોના સંશોધનમાં જાણવા મળ્યું છે કે એમ. મસ્ટેલસ નામની શાર્કની એક પ્રજાતિમાં પાર્થેનોજેનેસિસની ક્ષમતા છે. આ ક્ષમતા સાપ અને મગર જેવા ઘણા જીવોમાં જોવા મળે છે પાર્થેનોજેનેસિસ એ પ્રજનન પ્રક્રિયા છે જેમાં ગભર્ધિાનની જરૂર નથી. ગર્ભનો વિકાસ સીધા ઇંડામાંથી થાય છે. તેનો અર્થ એ છે કે ગભર્શિયમાં શુક્રાણુ વિના ગર્ભ રચાય છે. સંશોધન દરમિયાન, સાર્દિનિયાના કાલા ગોનોન એક્વેરિયમની બે માદા શાર્કને 2020થી નિરીક્ષણ હેઠળ રાખવામાં આવી હતી.
એમ. મસ્ટેલસને શાર્કની લુપ્તપ્રાય પ્રજાતિઓમાં સ્થાન આપવામાં આવ્યું છે. આ એવા સ્થળોએ જોવા મળે છે જ્યાં પાણી બહુ ઊંડું નથી. તેઓ 25 વર્ષ સુધી જીવી શકે છે. એવો અંદાજ છે કે આગામી કેટલાક દાયકાઓમાં તેમની વસ્તી અડધી થઈ શકે છે. હાલમાં તેમની વસ્તીમાં પુરૂષો કરતાં સ્ત્રીઓ વધુ છે. સંશોધકોએ શોધી કાઢ્યું કે આ શાર્કમાં દર વર્ષે પાર્થેનોજેનેસિસ થઈ શકે છે. તે કહે છે કે 15,000 થી વધુ પ્રજાતિઓ પાર્થેનોજેનેસિસ દ્વારા સંતાન પેદા કરે છે. હજુ સુધી આ પ્રક્રિયા સંપૂર્ણપણે સમજી શકાતી નથી. પાર્થેનોજેનેસિસ હજુ સુધી સસ્તન પ્રાણીઓમાં જોવા મળ્યું નથી.