IPL 2024ની ત્રીજી મેચમાં કોલકાતા નાઈટ રાઈડર્સે સનરાઈઝર્સ હૈદરાબાદને 4 વિકેટે હરાવ્યું. આ મેચ દરમિયાન KKRના બોલર હર્ષિત રાણાએ મયંક અગ્રવાલને આઉટ કર્યા બાદ તેને ફ્લાઈંગ કિસ આપી હતી. આ કૃત્ય તેના માટે મોંઘુ સાબિત થયું. હર્ષિત પર મેચ ફીનો દંડ ફટકારવામાં આવ્યો છે. તેણે મેચ ફી દ્વારા તેની કિંમત ચૂકવવી પડશે. 

મયંક અને અભિષેક હૈદરાબાદ માટે ઓપનિંગ કરવા આવ્યા હતા. આ દરમિયાન બંનેએ જોરશોરથી બેટિંગ શરૂ કરી હતી. KKRના બોલરો ઘણા દબાણમાં જોવા મળી રહ્યા હતા. આ દરમિયાન હર્ષિત રાણા KKR માટે છઠ્ઠી ઓવર માટે આવ્યો, તેણે ઓવરના ત્રીજા બોલ પર મયંકને આઉટ કર્યો. મયંક 21 બોલમાં 32 રન બનાવીને આઉટ થયો હતો. આઉટ થયા બાદ હર્ષિતે તેને ફ્લાઈંગ કિસ કરી આપી હતી. આ ક્રિયા હર્ષિત માટે મોંઘી સાબિત થઈ. કોલકાતા નાઈટ રાઈડર્સના બોલર હર્ષિતને આઈપીએલની આચાર સંહિતાનું ઉલ્લંઘન કરવા બદલ મેચ ફીના 60 ટકા દંડ ફટકારવામાં આવ્યો છે.

આ મેચમાં પ્રથમ બેટિંગ કરતા કોલકાતાએ 208 રન બનાવ્યા હતા. આ દરમિયાન ફિલ સોલ્ટે 40 બોલમા 54 રન બનાવ્યા હતા. રમનદીપ સિંહે 35 રન બનાવ્યા હતા. આન્દ્રે રસેલે 25 બોલનો સામનો કરીને 64 રન બનાવ્યા હતા. જવાબમાં હૈદરાબાદે 20 ઓવરમાં 7 વિકેટ ગુમાવીને 204 રન બનાવ્યા હતા. હૈદરાબાદ તરફથી હેનરિક ક્લાસને 29 બોલમાં 63 રન બનાવ્યા હતા. પરંતુ તે ટીમને જીત અપાવી શક્યો ન હતો. મયંક અગ્રવાલે 21 બોલનો સામનો કરીને 32 રન બનાવ્યા હતા.