જામનગરના રણજીત સાગર રોડ પર ગ્રીનસીટી વિસ્તારમાં ગઈ રાતે બેકાબુ બનેલી કાર પલટી મારી

May 14, 2026 10:11 AM

જામનગરના રણજીત સાગર રોડ પર ગ્રીનસીટી વિસ્તારમાં ગત રાત્રે બેકાબુ બનેલી કાર પલટી મારી

બેકાબૂ બનેલી કાર અકસ્માતમાં ચાલકનો આબાદ બચાવ: થોડીવાર માટે માર્ગ પર ટ્રાફિક અવરોધાયો: પોલીસ તંત્ર દોડતું થયું

જામનગરના રણજીત સાગર રોડ પર ગ્રીનસીટી પાસે ગત રાત્રે એક કાર અકસ્માતની ઘટના સર્જાઈ હતી. બેકાબૂ બનેલી કાર અચાનક પલટી મારી રોડ પર ઉંધી થઈ જતાં વિસ્તારમાં અફરાતફરીનો માહોલ સર્જાયો હતો. જો કે, સદનસીબે કાર ચાલકનો આબાદ બચાવ થયો હતો. જ્યારે કારમાં ભારે નુકસાની થઈ છે.

મળતી માહિતી મુજબ જીજે-૧૦-ઈ.એચ. ૩૨૧૭ નંબરની કારનો ચાલક ગત મોડી રાત્રે રણજીત સાગર રોડ પર ગ્રીન સિટી વિસ્તાર પાસે પસાર થઈ રહ્યો હતો ત્યારે અચાનક સ્ટીયરિંગ પરથી કાબૂ ગુમાવી બેઠો હતો. જેના કારણે કાર પલટી મારી રોડ પર ઉંધી થઈ ગઈ હતી.

અકસ્માત સર્જાતા થોડીવાર માટે માર્ગ પર ટ્રાફિક અવરોધાયો હતો અને લોકો એકત્ર થયા હતા. અકસ્માતમાં કારને ભારે નુકસાન પહોંચ્યું હતું. જો કે, કાર ચાલકને માત્ર સામાન્ય ઇજા પહોંચી હોવાનું જાણવા મળે છે. કાર ઉંધી થઈ ગયા બાદ ચાલકે દરવાજો ખોલીને કોઈ રીતે બહાર નીકળી પોતાનો બચાવ કર્યો હતો.

ઘટનાની જાણ થતાં સિટી એ. ડિવિઝન પોલીસ સ્ટેશનનો પોલીસ કાફલો તાત્કાલિક ઘટનાસ્થળે દોડી ગયો હતો અને અકસ્માતગ્રસ્ત કારને રસ્તા પરથી હટાવી ટ્રાફિક વ્યવસ્થા પૂર્વવત્ કરવામાં આવી હતી. પોલીસ દ્વારા અકસ્માતના બનાવ અંગે વધુ તપાસ હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરના રણજીત સાગર રોડ પર ગ્રીનસીટી વિસ્તારમાં ગઈ રાતે બેકાબુ બનેલી કાર પલટી મારી

Recent News

Gujarat's No. 1 evening newspaper