મુસ્લિમ બિરાદરો દ્વારા આજે મહોરમ પર્વ બનાવવામાં આવ્યું હતું. હજરત ઈમામ હુસેન અને 72 શહીદોના માનમાં મુસ્લિમ સમાજ મોહરમ તહેવાર મનાવે છે. આજે આશુરાનું ઝુલુસ રાજકોટ સહિત ગામે ગામ મુસ્લિમ સમાજ દ્વારા નીકળ્યું હતું.ઇસ્લામિક કેલેન્ડર અનુસાર વર્ષનો પ્રથમ મહિનો મોહરમ તરીકે ઓળખવામાં આવે છે. હઝરત ઈમામએ માનવતાના મૂલ્યોના રક્ષણ માટે બલિદાન આપ્યું હતું તેની યાદમાં મુસ્લિમ સમુદાય દ્વારા તાજીયા ઝુલુસ કાઢીને શોક મનાવવામાં આવે છે.વિવિધ સંસ્થાઓ દ્વારા અલગ અલગ રોડ પર આજે તાજીયાનું ઝુલુસ નીકલ્યુ હતું.રાજકોટના 36 મુસ્લિમ વિસ્તારમાં 500થી વધુ સબીલ નાખવામાં આવી છે જેમાં પાણીથી લઈને દૂધ કોલ્ડ્રીંકસનુબવિતરણ કરવામાં આવી રહ્યું છે. આજના દિવસે ખાસ નમાજ કાઢવામાં આવી હતી.રાજકોટ ઉપરાંત ધોરાજી ,જુનાગઢ ,વેરાવળ, જામનગર, ભાવનગર સહિત ગામે ગામ કલાત્મક તાજીયા તૈયાર કરવામાં આવ્યા હતા. મુસ્લિમ બિરાદરો સાથે હિન્દુ ભાવિકો પણ તાજીયા ના દર્શન કરે છે.