ઉત્તર પ્રદેશના આગ્રામાં એક ચોંકાવનારો કિસ્સો સામે આવ્યો છે. પોલીસે કેસ નોંધ્યો છે જેમાં પીડિતાએ કહ્યું છે કે ચાર લોકોએ તેને માર માર્યો અને પછી તેને જીવતો દાટી દીધો હતો. આ પછી રખડતા કૂતરાઓએ તે જગ્યાએ માટી ખોદીને તેને બહાર કાઢ્યો હતો. આ દરમિયાન તેને હોશ આવ્યો અને તેનો જીવ બચી ગયો. હાલ પોલીસ આ મામલે તપાસ કરી રહી છે.

ફરિયાદીના જણાવ્યા અનુસાર, 18 જુલાઈના રોજ આગ્રાના આર્ટોની વિસ્તારમાં ચાર શખ્સોએ ફરિયાદી સાથે મારપીટ કરી હતી. તેઓએ ફરિયાદીનું ગળું દબાવી અને પછી મૃત સમજીને ખેતરમાં જીવતો દાટી દીધો.

ફરિયાદી દાવો કરે છે કે રખડતા કૂતરાઓએ તે જગ્યાએ માટી ખોદી અને તેને ખંજવાળવાનું શરૂ કર્યું. આ પછી જ્યારે તેને હોશ આવ્યો ત્યારે તે ભાગીને નજીકના ગામમાં ગયો હતો. જ્યાં ગ્રામજનો દ્વારા તેને સારવાર માટે હોસ્પિટલમાં રાખવામાં આવ્યો છે.