આજીડેમ ચોકડી નજીક માંડાડુંગરમાં રહેતા યુવકે ગળાફાંસો ખાઈ આપઘાતનો પ્રયાસ કરતા સારવાર માટે સિવિલ હોસ્પિટલમાં ખસેડવામાં આવ્યો છે.પ્રાપ્ત વિગત મુજબ માંડાડુંગરમાં રહેતો કલ્પેશ જગજીવનભાઈ મકવાણા (ઉ.વ.34)ના યુવકે આજે બપોરે ઘરે હતો ત્યારે પંખામાં લૂંગી બાંધી ગળેફાંસો ખાઈ લીધો હતો. પત્ની લક્ષ્મી દોડીને રૂમમાં જોવા જતા પતિને લટકતા જોઈ બુમાબુમ કરતા પરિવારજનો દોડી આવ્યા હતા અને તાકીદે યુવકને સારવાર માટે સિવિલ હોસ્પિટલએ ખસેડવામાં આવતા બનાવ અંગે હોસ્પિટલ ચોકીના સ્ટાફે આજીડેમ પોલીસને જાણ કરી હતી.

યુવક સેન્ટીંગ કામ કરે છે. સંતાનમાં એક પુત્ર છે અને પોતે એક ભાઈ બહેનમાં નાનો છે. ઘર નજીક જ સાળો મયુર રહેતો હોય અને તેની પત્ની દેવિકાને મારમારતો હોવાથી સાળાની પત્ની દોડીને કલ્પેશના ઘરે આવી હતી. પાછળ મયુર પણ આવી ઝગડો કરવા લાગતા કલ્પેશ સમજાવવા વચ્ચે પડતા તેને પણ ગાળો આપતા વાતનું લાગી આવવાથી પગલું ભર્યું હતું. પોલીસે તપાસ હાથ ધરી છે.