બાજવું જ છે એને કોઈ ઠોંસ કારણની જરૂર હોતી નથી, ફોનમાં વાત કરતા યુવક પાસે જઈ તું ફોનમાં કેમ વાતો કરે છે, યુવકે મારા ઘરે વાત કરું છું કહેતા તું દાદાનો દીકરો થઇ ગયો છો કહી બેભાઈઓએ યુવકને કુહાડી વડે હુમલો કરી પથ્થરનો ઘા મારતા ઇજા થવાથી સારવારમાં ખસેડવામાં આવ્યો છે. યુવકએ બંને ભાઈઓ સામે ફરિયાદ નોંધાવતા પોલીસે ગુનો નોંધ્યો છે.

કુહાડીના બે ઘા માથામાં મારતા યુવકે દેકારો કર્યો
સાવરકુંડલાના પીઠવડી ગામે રહેતો અને મજૂરીકામ કરતો રોહિત ધીરુભાઈ મહિડા (ઉ.વ.29)નો યુવક રાત્રીના દશેક વાગ્યે કેરળના રસ્તે વડલા નીચે બેસી ફોનમાં વાત કરતો હતો ત્યારે ગામમાં રહેતા કેશુ દુદાભાઈ અને તેનો નેનો ભાઈ પ્રવીણ બંને યુવક પાસે જઈ તું કેમ ફોનમાં વાત કરે છે ? યુવકે ઘરે ફોનમાં વાત કરતો હોવાનું કહેતા કેશુએ તું દાદાનો દીકરો થઇ ગયો છો કહી કુહાડીના બે ઘા માથામાં મારતા યુવકે દેકારો કર્યો હતો. 

પિતાને મૂંઢ ઇજા થઇ હતી
આથી યુવકના પિતા ધીરુભાઈ દોડીને આવી જતા તેને પણ બંને ભાઈઓ ગાળો આપવા લાગ્યા હતા અને પ્રવીણએ પથ્થરનો ઘા મારતા યુવકના પિતાને લાગ્યો હતો. અને હવે પછી સામા મળશો ત ઓ જાનથી મારી નાખીસ તેમ ધમકી આપી હતી, યુવકને કુહાડી લાગતા લોહી નીકળતા 108 મારફતે સાવરકુંડલા અને ત્યાંથી અમરેલી ખસેડવામાં આવતા આઠ જેટલા માથામાં ટાકા આવ્યા હતા. અને તેના પિતાને મૂંઢ ઇજા થઇ હતી. યુવકની ફરિયાદ પરથી પોલીસે બંને શખ્સો સામે ગુનો નોંધી આગળની કાર્યવાહી હાથ ધરી છે.