સફાઇ કામ કરતી તરુણી બે બસની વચ્ચે ફસાઇ : સારવારમાં ખસેડાઇ : બસચાલક સામે ફરીયાદ

જામનગરના એસટી બસ સ્ટેન્ડ ખાતે આવેલા પ્લેટફોર્મ નં. ૫-૯ની વચ્ચે ગત તા. ૧૦ના સાંજના સુમારે એસટી બસના ચાલકે બેદરકારીથી રીવર્સમાં લઇને અહીં સફાઇ કામ કરતી તરુણીને હડફેટે લઇ ફ્રેકચર સહિતની ઇજાઓ પહોચાડી હતી આ બનાવમાં ગઇકાલે સીટી-એમાં ચાલક સામે ફરીયાદ કરવામાં આવી છે.
જામનગરના સાધના કોલોની ગેઇટ-૧, એમ/૫૨, બ્લોક નં. ૩૮૭૫ ખાતે રહેતા હંસાબેન ગોપાલભાઇ રાઠોડ નામની મહિલાએ ગઇકાલે સીટી-એમાં એસટી બસ નં. જીજે૧૮ઝેડ-૫૧૬૨ના ચાલક સામે ફરીયાદ કરી હતી.
ગત તા. ૧૦ના સાંજના સુમારે ફરીયાદીની ૧૭ વર્ષની પુત્રી નંદીની એસટી બસ સ્ટેન્ડ ખાતે પ્લેટફોર્મ નં. ૫/૯ વચ્ચે સફાઇ કામ કરતી હતી એ દરમ્યાન એસટી બસના ચાલકે પુરઝડપે અને બેફીકરાઇથી રિવર્સમાં લેતા તરુણી બે બસ વચ્ચે હડફેટે આવતા ફ્રેકચર જેવી ઇજા થઇ હતી. ફરીયાદના આધારે પોલીસ દ્વારા તપાસ ચલાવવામાં આવી રહી છે.