જામનગર નજીક માલવાહક વાહને બાઇકને હડફેટે લેતા એકને ફ્રેકચર

લાલપુરના રામપર વેરાવળના પાટીયા પાસે કારે બાઇકને ઠોકર મારતા એક યુવાનને ગંભીર ઇજા થઇ હતી જયારે જામનગર નજીક માલવાહક વાહને બાઇકને હડફેટે લેતા એકને પગમાં ફ્રેકચર થયુ હતું.

રાજકોટના કાલાવડ રોડ આંબેડકરનગરમાં રહેતા પ્રવિણ હીરાભાઇ વાઘેલા (ઉ.વ.35) નામના યુવાને આઇ-20 કાર નં. જીજે10સીજી-8970ના ચાલક સામે ગઇકાલે ફરીયાદ નોંધાવી હતી.

ગત તા. 25ના રોજ આઇ-20 કારના ચાલકે પુરઝડપે અને ગફલતભરી રીતે રામપર-વેરાવળના પાટીયા પાસે ચલાવીને ફરીયાદીના ભાઇના સાઇન મોટરસાયકલ નં. જીજે10ઇએ-7429ને ઠોકર મારી હતી, જેમાં મોટરસાયકલ સાથે પછાડી દઇ શરીરે અને પગમાં ગંભીર ઇજા પહોચાડી હતી.

બીજા બનાવમાં જામનગરના નવાગામ ઘેડમાં રહેતા દિવ્યરાજસિંહ મંગળસિંહ જાડેજા (ઉ.વ.25)એ પંચ-બીમાં ગઇકાલે ફોરવ્હીલ માલવાહક નં. જીજે25ગુ-7937ના ચાલક સામે એવી ફરીયાદ કરી હતી કે ગત તા. 20ના જામનગર નજીક બાલાર્ક કારખાના પાછળના રોડ પર આરોપીએ પોતાનું માલવાહક વાહન પુરઝડપે અને બેફીકરાઇથી ચલાવી ફરીયાદીની મોટરસાયકલને પાછળથી ઠોકર મારી હતી જેમાં સાહેદને પગમાં ફ્રેકચર જેવી ઇજા પહોચાડી હતી.