ખંભાળિયાથી આશરે 12 કિલોમીટર દૂર વિંઝલપર ગામના પેટ્રોલ પંપ પાસેથી પૂરઝડપે અને બેફિકરાઈપૂર્વક આવી રહેલા જી.જે. 11 બી.આર. 4200 નંબરના એક મોટરકારના ચાલકે આ માર્ગ પર જઈ રહેલા જી.જે. 10 એ.જી. 4216 નંબરના મોટરસાયકલ ચાલક રવિ કણજારીયા સાથે અકસ્માત સર્જતા તેમને ફ્રેકચર સહિતની ઈજાઓ સાથે હોસ્પિટલમાં ખસેડવામાં આવ્યા હતા. આ અંગે રવિના પિતરાઈ ભાઈ નીતિનભાઈ પ્રવીણભાઈ કણજારીયા (ઉ.વ. 38) ની ફરિયાદ પરથી ખંભાળિયા પોલીસે કારચાલક સામે ગુનો નોંધ્યો છે.

સામાન્ય બાબતે યુવાન પર હુમલા સબબ દંપતી સામે રાવ

કલ્યાણપુર તાલુકાના મણીપુર હાબરડી ગામે રહેતા બુધાભાઈ હરદાસભાઈ અરજણભાઈ ચાવડા નામના 18 વર્ષના યુવાન સાથે નાલુ બંધ કરવા બાબતે બોલાચાલી કરી, આ જ વિસ્તારમાં રહેતા પાલાભાઈ ગોવિંદભાઈ ચાવડા તેમજ તેમના પત્ની જયાબેન દ્વારા લાકડાની ઘોડી વડે માર મારી, ઈજાઓ કરવા સબબ કલ્યાણપુર પોલીસ મથકમાં ફરિયાદ નોંધાઈ છે.

વેરાડના યુવાનનું બાઈક હંકારી જતા તસ્કરોની શોધખોળ

ભાણવડ તાલુકાના વેરાડ ગામે રહેતા મુકેશભાઈ ઠાકરશીભાઈ નકુમ નામના 42 વર્ષના દલવાડી યુવાનનું રૂ. 35 હજારની કિંમતનું સ્પ્લેન્ડર મોટરસાયકલ તેમના ઘર પાસેથી ગત તા. 19 ના રોજ કોઈ તસ્કરો ચોરી કરીને લઈ ગયા હોવાની ફરિયાદ કલ્યાણપુર પોલીસ મથકમાં નોંધાવવામાં આવી છે.