જાણવા મળતી વિગતો મુજબ, સુખરામનગર શેરી નંબર- હુડકો ચોકડી પાસે રહેતા હાર્દિક અશોકભાઈ કોટડીયા (ઉ.વ 22) નામના યુવાને આજીડેમ પોલીસ સ્ટેશનમાં નોંધાવેલી ફરિયાદમાં આરોપી તરીકે હિતેશ બકુલભાઈ રાઠોડ, કાર્તિક પટેલ અને ચિરાગ પટેલના નામ આપ્યા છે.

યુવાને ફરિયાદમાં જણાવ્યું હતું કે,તે હિતેશભાઈ રાઠોડની મેક ઓવર નામની દુકાનમાં વાળંદકામ કરે છે. ગઈકાલ રાત્રિના નવેક વાગ્યે આસપાસ કોઠારીયા ગામ પાસે ઓપેરા કોમ્પ્લેક્સમાં હિતેશભાઈની દુકાને હતો ત્યારે હિતેશભાઈ બોલાચાલી કરતા હોય જેથી તે દુકાનેથી નીકળી ગયો હતો. બાદમાં તે અહીં કોઠારીયા ગામના ગેટ પાસે દ્વારકાધીશ હોટલ પાસે બેઠો હતો. ત્યારે હિતેશભાઈ અહીં આવી કહેવા લાગ્યા હતા કે તે કેમ મારા ઘરે મારા આડા સંબંધ બાબતે વાત કરી છે? તેમ કહી ગાળો આપી હિતેશ કાર્તિક તથા ચિરાગ ત્રણેય મળી યુવાનને લાકડાના ધોકા વડે માર માર્યો હતો. તેમજ તેને જાનથી મારી નાખવાની ધમકી આપી હતી. દરમિયાન અહીં લોકો એકત્ર થતાં આ શખસો અહીંથી ભાગી ગયા હતા. આ મામલે યુવાને આજીડેમ પોલીસ સ્ટેશનમાં ફરિયાદ નોંધાવતા પોલીસે ત્રણેય આરોપીઓ સામે ગુનો નોંધી કાયદેસરની કાર્યવાહી કરી હતી.