સૌરાષ્ટ્રવાસીઓએ આજે યોગ અભ્યાસ સાથે વિશ્વ યોગ દિવસ મનાવ્યો હતો. આજે 21મી જૂને આંતરરાષ્ટ્રીય દિવસની સૌરાષ્ટ્ર કચ્છમાં યોગમય બનીને ઉજવણી કરવામાં આવી હતી. ’પહેલું સુખ તે જાતે નર્યા'આ સુખ એટલે શારીરિક અને માનસિક સ્વસ્થતા. સુખી અને શાંતિપૂર્ણ જીવન માટે યોગએ મોકળો માર્ગ બનાવે છે. રાજકોટનાં રેસકોર્સ ગ્રાઉન્ડમાં વિશાળ જનમેદની દ્વારા આજે સમૂહ યોગ સાથે યોગ દિવસ બનાવવામાં આવ્યો હતો જ્યારે બહેનો દ્વારા પાણીમાં વિવિધ આસન સાથે એકવા યોગ થકી યોગ દિવસની ઉજવણી કરવામાં આવી હતી. દરેક તહેવારોમાં ઉત્સાહભેર ઉજવણી કરતા સૌરાષ્ટ્રવાસીઓએ યોગ દિવસ ને પણ આનંદ ઉલ્લાસ સાથે એક ઉત્સવની જેમ મનાવ્યો હતો.