આજે મંગળવારે વૈશાખ વદ અમાસના રોજ સૂર્યપુત્ર શનિદેવની જન્મજયંતી નિમિત્તે ભાવનગર શહેરના ભીડભંજન મહાદેવ,મેઘાણી સર્કલ  સાંઈબાબા મંદિરે ,ટોપ થ્રી પાસે આવેલા સાઈ ધામ ખાતે તેમજ હનુમાનજી મંદિરે શનિદેવની મૂર્તિને ભાવિકોએ તેલ, કાળુ વસ્ત્ર, કાળી દ્રાક્ષ,કાળા તલ,અડદ સહિતની ચીજો અર્પણ કરી પૂજન અર્ચન કર્યું હતું. તેમજ અનેક ભાવિકોએ તેમની પનોતી અને શનિના કષ્ટ નિવારણ માટે ગરીબોને કાળી ચીજ વસ્તુઓનું દાન કર્યું હતું.ભાવિકોએ હનુમાન ચાલીસા,શનિ ચાલીસા,શનિ સ્તુતિ સહિતનું પઠન કર્યું હતું અને પનોતી સહિતના શનિદેવના કષ્ટમાં રાહત મળે તે માટે પ્રાર્થના કરી હતી.